PD-PS: Dosjet e sigurimit, shpejt data e hapjes
Ndonese perfaqesuesit e te gjitha partive politike shprehen parimisht pro hapjes se dosjeve per ish-bashkepunetoret e sigurimit te shtetit, ende draftet e hartuara ne lidhje me kete ceshtje nuk kane shkuar ne seance plenare per votim. Keshtu dje ne nje tryeze te organizuar nga Forumi per Demokraci dhe Etike ne prani te ambasadorit gjerman u shprehen edhe qendrimet e deputeteve te partive te ndryshme politike ne lidhje me kete ceshtje. Deputeti i PD-se, Aleksander Biberaj deklaroi se nese projektligji per denimin e krimeve te komunizmit nuk miratohet tani, atehere do te duhet te mendojme se nje pjese e aktoreve politike jane te implikuar me sistemin komunist dhe nuk kane kurajon per tu distancuar nga e shkuara. Nga ana tjeter deputeti i PS-se, Taulant Balla deklaroi se parlamenti ne ditet ne vijim, duhet te percaktoje nje afat brenda te cilit ky proces duhet te mbyllet me patjeter. Sipas Balles, pas berjes se transparences ne lidhje me figurat me dosje, duhet te ndalohej edhe emerimi i tyre ne pozicione shteterore, po nga ana tjeter keto figura sipas te drejtes kushtetuese duhet te jene te lire te kandidojne per postin e deputetit. Forumi per Demokraci dhe Etike ne bashkepunim me deputetin e PR-se, Alfred Gega po shqyrton mundesine e propozimit te nje projekt-ligji alternativ qe do te harmonizonte te gjitha propozimet e deritanishme. Sipas drejtuesit te ketij forumi, Arjan Galdini klasa politike duhet ti kerkoje ndjese shoqerise shqiptare dhe ne vecanti shtresave te persekutuara nga sistemi komunist, per mos berjes se transparences ne keto 18 vite. Nderkohe qe Brace ne Kuvend kerkoi qe hapja e dosjeve te fillojne nga UDB-ja. F.M