PD merr kontrollin absolut të komisioneve zgjedhore
KQZ-ja rreshton në bllokun e partive të majta demokristianët. Shorti mund ti japë së djathtës tre nga katër anëtarët e GNV-ve
Luis Tanishi
Partia Demokratike merr kontrollin absolut në komisionet e numërimit të votave. Loja e bërë në Komisionin Qendror të Zgjedhjeve ditën e djeshme, i jep mundësinë mazhorancës që të ketë shumicën e anëtarëve në grupet e numërimit të votave për çdo Komision Zonal të Administrimit të Votave. Gjatë mbledhjes së radhës, është marrë vendimi që PDK-ja të përfaqësohet në vazon e partive të majta. Kjo i heq mundësinë opozitës që të ketë numër të barabartë anëtarësh me mazhorancën në grupet e numërimit të votave. Duke u bazuar tek vendimi i djeshëm i KQZ-së, del se në çdo GNV, PD-ja dhe aleatët të kenë tre nga katër anëtarët. Por, përfaqësuesi ligjor i socialistëve, zoti Gjoncaj dhe anëtarët e majtë në KQZ, e kanë kundërshtuar një vendim të tillë.
Vendimi
Komisioni Qendror i Zgjedhjeve përcaktoi Partinë Demokristiane në vazon e partive të majta, prej të cilave do të dalë edhe anëtari i tretë ose i katërt në komisionet zonale të administrimit zgjedhor. Grupimi i partive politike u bë mbi bazën e shkresës që sekretari i Kuvendit, Albert Kushti, i ka dërguar KQZ-së, në të cilën flitet për partitë që kanë qenë vetëm në qeveri dhe jo ato që janë jashtë qeverisë, por që i përkasin së djathtës. Me gjithë deklarimet e përfaqësuesit të Partisë Demokristiane se partia që ai përfaqëson në Komision është e spektrit të djathtë, KQZ-ja vendosi që ky subjekt të futet në vazon ku janë partitë e majta.
Debatet
KQZ-ja u përfshi dje nga debatet kur në momentin e përcaktimit të partive që do të kandidojnë për anëtarin e tretë dhe të katërt të Grupeve të Numërimit të Votave (GNV), PDK-ja, e drejtuar nga Nard Ndoka, përcaktohet si e majtë. Shkaku për këtë ka qenë letra e dërguar nga Kuvendi, ku përcaktoheshin vetëm partitë që janë në qeveri. Përfaqësuesit politikë dhe anëtarët e KQZ-së kërkuan që përcaktimi që është bërë nga Kuvendi të ishte më i saktë. Sipas tyre, gjatë katër viteve ka pasur zhvillime në skenën politike dhe për pasojë, në letër duhet të ishin reflektuar edhe këto ndryshime. Për përcaktimin e grupit të partive politike në Komisionin Qendror të Zgjedhjeve pati tre propozime. Propozimi i parë ishte që në listën e partive të djathta të ishin PR-ja, PAA-ja, PAD-ja dhe PDK-ja, ndërsa në propozimin e dytë parashikohej që të ishin PR-ja, PAA-ja, PAD-ja. Në propozimin e tretë përfshiheshin pesë parti politike: PR-ja, PAA-ja, PAD-ja, PDK-ja dhe PBDNJ-ja. Përfaqësuesi i PDK-së në KQZ tha se partia e tij është e djathtë dhe si rrjedhim ajo duhet të jetë në vazon e partive të djathta. “Ne kemi qenë pjesë e qeverisë së djathtë dhe nuk mund të quhemi të majtë. PDK-ja dhe koalicioni “Poli i lirisë” është qartësisht i pozicionuar djathtas. Edhe përfaqësuesi i PS-së në KQZ, Genc Gjoncaj, kundërshtoi grupimin e partive politike duke u shprehur se lista e dërguar nga Kuvendi është “listë e një militanti politik”. Argument tjetër i PS-së për mosmiratimin e udhëzimit për hedhjen e shortit të anëtarit të tretë dhe të katërt në GNV lidhej me numrin e deputetëve që forcat politike duhet të kenë në Parlament për të marrë pjesë në short. Përfaqësuesi i partisë më të madhe opozitare tha se disa nga partitë nuk e plotësojnë numrin e deputetëve që kërkon ligji. “Disa parti politike që prej vitit 2005 kanë rrjedhje të deputetëve dhe kanë më pak se dy deputetë. Këto parti duhet të përjashtohen nga shorti”, - tha Gjoncaj.
Debatet
Përfaqësuesi i PD-së, Niazi Kosovrasti, deklaroi se në grupin e partive të djathta nuk duhet të jetë PDK-ja. Anëtari tretë i grupeve të numërimit do të zgjidhet nga PR-ja, PAA-ja, PAD-ja. Anëtari i katërt i grupit të numërimit të votave do të zgjidhet mes forcave politike, si: PDK-ja, PBDNJ-ja, LSI-ja, PDS-ja, PSD-ja. Grupimi i partive politike u miratua nga anëtarët e KQZ-së me 4 vota pro dhe me tri kundër.
Para disa ditësh KQZ-ja i kërkoi Kuvendit që të dërgojë listën e partive që janë të majta dhe të atyre që janë të djathta. Në përgjigje të kërkesës së KQZ-së, Kuvendi i dërgon Komisionit vetëm listën e partive politike që janë pjesë e qeverisë.
“Partitë politike me jo më pak se dy mandate, që përbëjnë shumicën parlamentare (koalicion qeverisë) janë: Partia Demokratike, Partia Republikane, Partia Demokrate e Re, Partia Agrare Ambientaliste dhe Partia Bashkimi për të Drejtat e Njeriut”,- thuhet në letrën që Kuvendi i ka dërguar KQZ-së.
Vendimi i djeshëm i KQZ-së i jep mundësi mazhorancës që të kontrollojë komisionet e numërimit të votave, dhe për pasojë, lë shteg të hapur edhe për abuzime në procesin e votimeve të 28 qershorit.
22 Maj 2009
Luis Tanishi
Partia Demokratike merr kontrollin absolut në komisionet e numërimit të votave. Loja e bërë në Komisionin Qendror të Zgjedhjeve ditën e djeshme, i jep mundësinë mazhorancës që të ketë shumicën e anëtarëve në grupet e numërimit të votave për çdo Komision Zonal të Administrimit të Votave. Gjatë mbledhjes së radhës, është marrë vendimi që PDK-ja të përfaqësohet në vazon e partive të majta. Kjo i heq mundësinë opozitës që të ketë numër të barabartë anëtarësh me mazhorancën në grupet e numërimit të votave. Duke u bazuar tek vendimi i djeshëm i KQZ-së, del se në çdo GNV, PD-ja dhe aleatët të kenë tre nga katër anëtarët. Por, përfaqësuesi ligjor i socialistëve, zoti Gjoncaj dhe anëtarët e majtë në KQZ, e kanë kundërshtuar një vendim të tillë.
Vendimi
Komisioni Qendror i Zgjedhjeve përcaktoi Partinë Demokristiane në vazon e partive të majta, prej të cilave do të dalë edhe anëtari i tretë ose i katërt në komisionet zonale të administrimit zgjedhor. Grupimi i partive politike u bë mbi bazën e shkresës që sekretari i Kuvendit, Albert Kushti, i ka dërguar KQZ-së, në të cilën flitet për partitë që kanë qenë vetëm në qeveri dhe jo ato që janë jashtë qeverisë, por që i përkasin së djathtës. Me gjithë deklarimet e përfaqësuesit të Partisë Demokristiane se partia që ai përfaqëson në Komision është e spektrit të djathtë, KQZ-ja vendosi që ky subjekt të futet në vazon ku janë partitë e majta.
Debatet
KQZ-ja u përfshi dje nga debatet kur në momentin e përcaktimit të partive që do të kandidojnë për anëtarin e tretë dhe të katërt të Grupeve të Numërimit të Votave (GNV), PDK-ja, e drejtuar nga Nard Ndoka, përcaktohet si e majtë. Shkaku për këtë ka qenë letra e dërguar nga Kuvendi, ku përcaktoheshin vetëm partitë që janë në qeveri. Përfaqësuesit politikë dhe anëtarët e KQZ-së kërkuan që përcaktimi që është bërë nga Kuvendi të ishte më i saktë. Sipas tyre, gjatë katër viteve ka pasur zhvillime në skenën politike dhe për pasojë, në letër duhet të ishin reflektuar edhe këto ndryshime. Për përcaktimin e grupit të partive politike në Komisionin Qendror të Zgjedhjeve pati tre propozime. Propozimi i parë ishte që në listën e partive të djathta të ishin PR-ja, PAA-ja, PAD-ja dhe PDK-ja, ndërsa në propozimin e dytë parashikohej që të ishin PR-ja, PAA-ja, PAD-ja. Në propozimin e tretë përfshiheshin pesë parti politike: PR-ja, PAA-ja, PAD-ja, PDK-ja dhe PBDNJ-ja. Përfaqësuesi i PDK-së në KQZ tha se partia e tij është e djathtë dhe si rrjedhim ajo duhet të jetë në vazon e partive të djathta. “Ne kemi qenë pjesë e qeverisë së djathtë dhe nuk mund të quhemi të majtë. PDK-ja dhe koalicioni “Poli i lirisë” është qartësisht i pozicionuar djathtas. Edhe përfaqësuesi i PS-së në KQZ, Genc Gjoncaj, kundërshtoi grupimin e partive politike duke u shprehur se lista e dërguar nga Kuvendi është “listë e një militanti politik”. Argument tjetër i PS-së për mosmiratimin e udhëzimit për hedhjen e shortit të anëtarit të tretë dhe të katërt në GNV lidhej me numrin e deputetëve që forcat politike duhet të kenë në Parlament për të marrë pjesë në short. Përfaqësuesi i partisë më të madhe opozitare tha se disa nga partitë nuk e plotësojnë numrin e deputetëve që kërkon ligji. “Disa parti politike që prej vitit 2005 kanë rrjedhje të deputetëve dhe kanë më pak se dy deputetë. Këto parti duhet të përjashtohen nga shorti”, - tha Gjoncaj.
Debatet
Përfaqësuesi i PD-së, Niazi Kosovrasti, deklaroi se në grupin e partive të djathta nuk duhet të jetë PDK-ja. Anëtari tretë i grupeve të numërimit do të zgjidhet nga PR-ja, PAA-ja, PAD-ja. Anëtari i katërt i grupit të numërimit të votave do të zgjidhet mes forcave politike, si: PDK-ja, PBDNJ-ja, LSI-ja, PDS-ja, PSD-ja. Grupimi i partive politike u miratua nga anëtarët e KQZ-së me 4 vota pro dhe me tri kundër.
Para disa ditësh KQZ-ja i kërkoi Kuvendit që të dërgojë listën e partive që janë të majta dhe të atyre që janë të djathta. Në përgjigje të kërkesës së KQZ-së, Kuvendi i dërgon Komisionit vetëm listën e partive politike që janë pjesë e qeverisë.
“Partitë politike me jo më pak se dy mandate, që përbëjnë shumicën parlamentare (koalicion qeverisë) janë: Partia Demokratike, Partia Republikane, Partia Demokrate e Re, Partia Agrare Ambientaliste dhe Partia Bashkimi për të Drejtat e Njeriut”,- thuhet në letrën që Kuvendi i ka dërguar KQZ-së.
Vendimi i djeshëm i KQZ-së i jep mundësi mazhorancës që të kontrollojë komisionet e numërimit të votave, dhe për pasojë, lë shteg të hapur edhe për abuzime në procesin e votimeve të 28 qershorit.
22 Maj 2009