PD reagon ndaj Bares: Muaji Prill, krizë për Edi Ramën

Reagimi i kreut të PS, Besnik Baraj lidhur me nusërimin e Shqipërisë në muajin Prill, nuk ka mbetur pa një kundërreagim nga e djathta. Zëdhënësja e PD, Erla Mëhilli e ka cilësuar si të pavlefshëm deklarimin e PS, për gjendjen e Shqipërisë. Sipas saj, kjo është një lojë e kreut socialist, Rama, i cili mohon çdoherë arritjet e pretenduara nga kjo qeveri. Edi Rama, në vendosmërinë e tij për të nxirë çdo sukses në historinë e këtij vendi, me shpifje dhe trillime ju deklaroi shqiptarëve se; pavarësisht se Shqipëria është bërë anëtare e NATO-s; pavarësisht se u pranua me konsensus kandidimi i saj për tu bërë vend anëtar në BE; pavarësisht se sipas dokumenteve zyrtare janë mbi 80 mijë qytetarë shqiptarë të punësuar në këto 3 vitet e fundit; se 200 mijë shqiptarë kanë dalë nga varfëria; dhe tani me 2- fishimin e pensioneve në fshat u shtohen dhe 170 mijë të tjerë që do të marrin mbi 2 USD në ditë pension; dhe pavarësisht se janë 2- fishuar rrogat e mësuesve, infermierëve dhe mjekëve ky Prill apo viti 2009 qenka më i keq sesa muajt e tyre në pushtet, ka deklaruar Mëhilli duke shtuar se për Shqiptarët ky është Prilli më i bardhë në historinë e tyre kurse për Edi Ramën që çdo sukses të kundërshtarit të tij dhe vendit të tij e konsideron disfatë të madhe personale, ky është Prilli i krizës më të thellë. Mëhilli ka nënvizuar se Rama mund të shërohet nga krizë në të cilën është zhytur, vetëm me daljen përfundimtare nga politika më 28 Qershor.