PDK pranon Pacollinpër president
PRISHTINE- Pas tri orësh mbledhje, Partia Demokratike e Kosovës ka arritur marrëveshje për koalicion me Aleancën Kosova e Re.
Sipas kësaj marrëveshjeje, AKR-ja merr postin e presidentit, kurse PDK-ja mban atë të kryeministrit dhe kryetarit të Kuvendit.
Njoftimin për marrëveshjen e arritur e bëri të ditur nënkryetari i PDK-së, Hajredin Kuçi.
“Është vendim i Këshillit Drejtues të PDK-së, që të ndërtohen institucionet e Republikës së Kosovës sa më shpejt që është e mundur. Është vendim i Këshillit Drejtues të PDK-së, që të hyhet në koalicion me AKR-në, me Listën Ibrahim Rugova dhe me partitë tjera të komuniteteve. Ky vendim tani mbetet që të implementohet nga Kryesia e PDK-së”, tha nënkryetari i PDK-së, Hajredin Kuçi.
(e.n/rel/BalkanWeb)
Sipas kësaj marrëveshjeje, AKR-ja merr postin e presidentit, kurse PDK-ja mban atë të kryeministrit dhe kryetarit të Kuvendit.
Njoftimin për marrëveshjen e arritur e bëri të ditur nënkryetari i PDK-së, Hajredin Kuçi.
“Është vendim i Këshillit Drejtues të PDK-së, që të ndërtohen institucionet e Republikës së Kosovës sa më shpejt që është e mundur. Është vendim i Këshillit Drejtues të PDK-së, që të hyhet në koalicion me AKR-në, me Listën Ibrahim Rugova dhe me partitë tjera të komuniteteve. Ky vendim tani mbetet që të implementohet nga Kryesia e PDK-së”, tha nënkryetari i PDK-së, Hajredin Kuçi.
(e.n/rel/BalkanWeb)