PS: KLSH pohoi se buxheti i shtetit, u keqperdor per fushaten e zgjedhjeve

Deputeti i Partise Socialiste, Ilir Beqja, tha dje se raporti i Kontrollit te Larte te Shtetit pohoi se buxheti i vitit 2009 u keqperdor per fushaten e pushtetit. Ne nje konference per shtyp, zyrtari socialist tha se shqetesimet e ngritura prej kohesh se buxheti i shtetit eshte vene ne sherbim te zgjedhjeve parlamentare te 28 qershorit, eshte bashkuar edhe Kontrolli i Larte i Shtetit. "Ne raportimin zyrtar per kontrollin e zbatimit te buxhetit te vitit 2009, KLSH zbulon se nga kontrollet e ushtruara eshte konstatuar nje dem efektiv ekonomik prej 74 milione dollare", deklaroi Beqja. Sipas tij, ne cdo institucion te qeverise Berisha te kontrolluar, ne cdo fushe te aktivitetit qeveritar te kontrolluar rezulton dem efektiv. Ai tha se konstatimet e KLSH provojne se qeveria eshte e korruptuar dhe se e ka vene buxhetin e shtetit ne qellim te deformimit elektoral. Nensekretari per Programin ne PS, tha se duke shitur apo dhene me qira pasuri publike per kliente te familjes politike te kryeministrit, jane shperdoruar 31 milione dollare. Zyrtari socialist nenvizoi se duke lejuar evazion fiskal ne tatime dhe dogana per pasurim te paligjshem te nepunesve te emeruar per militantizem politik, buxhetit te shtetit i mungojne 28 milione dollare. "As i famshmi prokurim elektronik nuk e ka shpetuar buxhetin e shtetit nga shperdorimi i detyres dhe selektimi i operatoreve ekonomike sipas perkushtimit ndaj familjes politike dhe biologjike te Kryeministrit. Jane 4.3 milione dollare te shperdoruar ne prokurimet publike", vijoi me tej Beqja. Sipas tij, KLSH nuk ka qene ne gjendje te kontrolloje perdorimin e parave te taksapaguesve per reklamat apo genjeshtrat elektorale te Sali Berishes ne prag te zgjedhjeve. Ai tha se "e verteta e shpenzimeve per reklamat, fshihet ashtu si e verteta e kutive te votimit".