PS: Ligji të rikthehet në Kuvend
Partia Socialiste kërkon kthimin për diskutim në Parlament të ligjit për procedurat tatimore dhe për falimentin. Kryetarja e grupit parlamentar, Valentina Leskaj, vlerësoi se ekspertët dhe biznesi duhet të kenë mundësinë të kontribuojnë për to, që ligji të zhvishet nga pushteti absolut dhe abuziv që u jepet tatimeve. Sipas saj, vendimi i fundit i Gjykatës Kushtetuese, që anuloi nenin antikushtetuese në ligjin për tatimet është një fakt i rëndësishëm. "Konkluzioni i ekipit të FMN-së se marrëdhëniet me biznesin janë përkeqësuar, vlerësimi i Bankës Botërore për ambientin e rënduar të biznesit, reagimi i përsëritur i të gjitha shoqatave të biznesit janë dëshmi e mungesës së reflektimit nga qeveria dhe shumica parlamentare", theksoi Leskaj. Partia më e madhe e opozitës i konsideron këto ligje shumë të rëndësishme. Kjo është arsyeja pse përfaqësuesit e saj në Komisionin e Ekonomisë kanë kërkuar që të kishte më shumë kohë për diskutim. "Ne kërkuam që biznesi të konsultohej për këtë ligj të rëndësishëm, kjo edhe për faktin që projekti i ardhur nga qeveria ka pësuar shumë ndryshime në Komisionin e Ekonomisë", u shpreh Leskaj. Ligji për tatimet, sqaroi Leskaj, i jep drejtorit të Tatimeve rolin e konfiskuesit, duke i dhënë kështu funksione të institucioneve të tjera si të prokurorisë, gjyqësorit apo të përmbaruesit. "Pa u ndalur në gjithë problemet që ka ligji, mendojmë se ai përkeqëson mjedisin e biznesit, siç rezulton edhe nga raportet e fundit dhe konkretisht nga ai ‘Doing Business‘", konstatoi Leskaj. Grupi parlamentar i PS-së vlerëson se cilësia e dobët e ligjeve, fryma e një legjislacioni kryesisht penalizues që rrit abuzivitetin, shkalla e lartë e korrupsionit e administratës fiskale, dëmtojnë rëndë biznesin dhe zhvillimin ekonomik të vendit.
Zhurmë të pabazuar në argumente e ka cilësuar kryetari i Komisionit të Ekonomisë, Edmond Spaho, deklaratën e kryetares së grupit parlamentar të PS-së, Valentina Leskaj për kthimin e ligjeve "Për procedurat tatimore dhe falimentimin". Gjatë një konference për shtyp, pak minuta pas asaj të Leskajt, deputeti i PD-së, tha se "ligji i procedurave tatimore është përgatitur në një proces 16-mujor nga ekspertët, me ndihmën e USAID-it, dhe në kuadrin e programit ‘Millenium Challenge Coorporation‘". Ligji, tha Spaho, është konsultuar për 6 muaj me radhë dhe ka respektuar vendimet e Gjykatës Kushtetuese. "Ligji për falimentimet është një ndër kërkesat më të rëndësishme e detyrat më madhore për krijimin e klimës së favorshme të biznesit në Shqipëri. Na vjen habi, ka vijuar ai më tej, nga qëndrimi i opozitës, pasi ligji për falimentimin është votuar në komision në parim, nen për nen dhe në tërësi, duke marrë votat pro të të gjithë deputetëve socialistë".
Zhurmë të pabazuar në argumente e ka cilësuar kryetari i Komisionit të Ekonomisë, Edmond Spaho, deklaratën e kryetares së grupit parlamentar të PS-së, Valentina Leskaj për kthimin e ligjeve "Për procedurat tatimore dhe falimentimin". Gjatë një konference për shtyp, pak minuta pas asaj të Leskajt, deputeti i PD-së, tha se "ligji i procedurave tatimore është përgatitur në një proces 16-mujor nga ekspertët, me ndihmën e USAID-it, dhe në kuadrin e programit ‘Millenium Challenge Coorporation‘". Ligji, tha Spaho, është konsultuar për 6 muaj me radhë dhe ka respektuar vendimet e Gjykatës Kushtetuese. "Ligji për falimentimet është një ndër kërkesat më të rëndësishme e detyrat më madhore për krijimin e klimës së favorshme të biznesit në Shqipëri. Na vjen habi, ka vijuar ai më tej, nga qëndrimi i opozitës, pasi ligji për falimentimin është votuar në komision në parim, nen për nen dhe në tërësi, duke marrë votat pro të të gjithë deputetëve socialistë".