PS: Protesta sot, per zbardhjen e krimit elektoral

Deputetet socialiste te Qarkut te Tiranes, i bene dje thirrje te gjithe qytetareve, te marrin pjese ne protesten e pasdites se sotme per voten e lire. "Ftojme pasditen e se shtunes, te gjithe ata qe vazhdojne te besojne se qytetaret e ndershem jane ende ne shumice derrmuese, perballe nje pakice manipulatore ne qeveri",-tha deputeti socialist, Saimir Tahiri ne emer te te gjithe deputeteve te pranishem ne seline roze. Sipas tij, nje pakice manipulatore, do te bindet diten e sotme gjate protestave, per hapjen e kutive, per transparence dhe per zbardhjen e korrupsionit elektoral. "Kjo eshte nje beteje, te cilen ne dhe shumica e shqiptareve, do ta fitojme per te tashmen dhe te ardhmen e Shqiperise Evropiane", vijoi Tahiri. Ai theksoi, se protesta e cila do te zhvillohet para Kryeministrise, ka si qellim te ndergjegjesoje kryeministrin Sali Berisha, qe t'i bindet Kushtetutes per te lejuar hapjen e kutive te votimit. Ne protesten e sotme te Partise Socialiste, do te jene aleatet e majte, si dhe disa shoqata qe e mbeshtesin kete parti me pjesemarrje ne proteste. Por edhe disa parti te qendres se djathte, jane shprehur pro qendrimit te PS, ndonese nuk jane shprehur per pjesemarrje ne protesten e sotme. Sipas organizatoreve te kesaj proteste, ajo do te nise perpara selise se Kryeministrise, aty ku zhvillohen mbledhjet e Keshillit te Ministrave. Poshte zyres se tij, socialistet, aleatet dhe mbeshtetesit e tyre, do t'i kerkojne kreut te qeverise te lejoje hapjen e kutive te votimit. Ne kete kuader, deputetet e Qarkut te Tiranes, te Partise Socialiste, bene te qarte edhe diten e djeshme, se nuk do te hyjne ne Kuvend, ne rast se nuk do te hapen kutite e votimit. Nente parti, jane mbledhur rreth Partise Socialiste, ne mbeshtetje te protestes te dites se sotme, per hapjen e kutive te votimit, dhe votes se lire. Se bashku me kryesocialistin Edi Rama, ne bulevardin "Deshmoret e Kombit", pritet te marshojne edhe lideret e partive te majta, si Skender Gjinushi, Paskal Milo, Erjon Veliaj, si dhe kreu i PBDNJ-se, Vangjel Dule, i cili ndryshe nga socialistet ka marre pjese ne seancat plenare te Kuvendit. Para turmes protestuese, te paret qe do te mbajne fjalen, do te jene kreret e se majtes. Nderkohe qe krye socialisti Edi Rama, do te mbaje i fundit fjalen ne protestat e sotme, e cila ka ne thelb te saj, kerkesen per hapjen e kutive te votimit.

Ora 17:00 Kur do te nise sot, protesta e Partise Socialiste per voten e lire. Socialistet dhe aleatet e tyre, do te kerkojne para kryeministrise, hapjen e kutive te votimit te zgjedhjeve te 28 qershorit, per te bere transparencen e ketyre zgjedhjeve.

9 Parti Jane mbledhur ne mbeshtetje te protestave te Partise Socialiste per voten e lire. Pervec mbeshtetjes se aleateve te majte, selia roze ka marre mbeshtetjen dhe te partive te spektrit te djathte, te cilat megjithate, sot nuk do te jene ne shesh.