PS bën autogol, eksperti bullgar kritikon premtimet për taksën zero

Premtimet e Partise Socialiste per vendosjen e takses progresive dhe uljen e taksave shihet me skepticizem edhe nga ekspertet e huaj qe vet selia roze ka marre per konsultime. Ne nje takim te zhvilluar me gazetaret ne seline e PS-se, Petkov ka shprehur rezerva dhe per nje nga propozimet kryesore te PS-se, ate te uljes apo heqje se plote te taksave per kategorine e biznesit te vogel. Ai shprehet se ulja e taksave nuk eshte gjithmone pozitive. “Me falni, nuk mund te futem ne detaje sepse sic ju thashe kam ardhur naten e kaluar ne Tirane. Por une i referohem rastit te vendit nga vij, Bullgarise dhe eksperiences se vendeve qe njoh. Nese doni, ulini taksat cojini dhe ne zero dhe behuni nje “lloj parajse”, por kjo nuk ndihmon zhvillimin ekonomik dhe kete e them nga pikepamja e paster ekonomike dhe larg retorikave dhe ideologjive politike”, tha eksperti bullgar. Eksperti bullgar i ekonomise Krastyo Petkov, paraqiti rezervat e tij ne lidhje me efektet e taksimin progresiv edhe ne konferencen qe selia roze zhvilloi dje me te ne lidhje me reformat ne fushen e financave. I pyetur mbi dobine e takses progresive qe propozon Partia Socialiste, Petkov shprehet se ajo nuk duhet bere ne menyre te shpejt. Nje tjeter argument i dhene nga specialisti bullgar ishte dhe fakti se vendosja e takses progresive mund te rris shmangien e pageses se taksave. “Shume vende po heqin taksen e sheshte dhe po vendosin ate progresive. Kam mesuar se Partia Socialiste do te ndryshoje sistemin e taksimin e megjithate duhet te merret parasysh se kjo gje nuk mund te behet sot per neser. Aplikimi i takses se sheshte ka vite qe eshte ne perdorim dhe natyrisht kjo do te sillte kundershti shoqerore prandaj duhet qe te gjendet nje qasje e kujdesshme dhe graduale. Gjithashtu ndryshimi i taksimit do te ka rrezik te sjelle edhe rritje te shmangies se detyrimeve te bizneseve dhe trembjen e investitoreve” tha eksperti Petko ne nje konference dhene dje me sekretarin e PS-se per programin Ilir Beqaj. Eksperti bullar eshte thirru nga PS-ja per te dhene mendime mbi programin e saj. Nderkohe ne konferencen per gazetaret, Petkov pranoi se kishte vetem pak ore qe ishte njohur me projektin e PS-se per taksen progresive.