PS manifestim më 15 mars për Gërdecin

Partia Socialiste ka paralajmëruar për një manifestim qytetar në përvjetorin e tragjedisë së Gërdecit. Sipas zëdhënëses së selisë rozë Mimi Kodheli manifestimi me moton "Mos Harro" do të bëhet në 15 mars në Gërdec dhe Tiranë dhe është inisiativë e kualicionit të majtë. Kodheli u shpreh se ky manifestim do të jetë pa ngjyra politike por me ngjyrat e flamurit kombëtar. Gjithashtu Kodheli shtoi se nga ky manifestim përjashtohet LSI-ja sepse sipas saj ajo nuk është pjesë e kualicionit të majtë por paterica e qeverisë Berisha.