PS pa formulë me aleatët

22/03/2005  Partia Socialiste nuk ka vendosur ende formulën e bashkëpunimit me aleatët e saj për zgjedhjet parlamentare. Burimet kanë bërë të ditur se PS do t'u ofrojë aleatëve votën në proporcional, duke i siguruar atyre mandatin e deputetëve, por aleatët në shkëmbim të kësaj mbështetjeje duhet të japin garancinë për votat në parlament. Një mundësi e tillë është cilësuar e pranueshme nga kryetari i Partisë Agrare Ambientaliste, i cili ka theksuar se janë një sërë formulash, që mund të paraqiten për koalicionet parlamentare, ndaj dhe mbështetja në proporcional nuk është e përjashtuar. Megjithatë, deri më tani, asnjë nga forcat politike të majta nuk garanton gjetjen e një formule të përbashkët. Tashmë PAA, PAD, PSD dhe PBDNJ kanë deklaruar se në zgjedhje do të dalin të vetëm, duke konkurruar në të 100 zonat zgjedhore.