PS, tryeze per dekretet e Topit
Dekretet e Presidentit per anetaret e Gjykates se Larte vijojne te jene kryeceshtja e debateve politike. Ne po kete linje, Fondacioni "Qemal Stafa" organizoi dje nje tryeze "Sfidat e reformes ne sistemin gjyqesor shqiptar", ku nje vemendje te vecante kishte pikerisht rrezimi ne Kuvend i dekreteve te Presidentit. Juriste, konstitucionaliste dhe eksperte te fushes, te pranishem ne kete tryeze, ne komentet mbi kete ceshtje jane pozicionuar ne mbeshtetje te Presidentit Topi. Por, nuk duhet lene pa permendur dhe nje tjeter fakt, pasi ne kete tryeze mori pjese dhe ish-prokurori i Pergjithshem, Theodhori Sollaku, i cili vleresoi se kreu i shtetit nuk ka bere transparence per dekretet, duke mbeshtetur per rrjedhoje qendrimin e mazhorances qeverisese. Keshtu, konstitucionalistet Luan Omari, Gent Ibrahimi, e cilesuan politik vendimin e Kuvendit, duke nenvizuar faktin se Presidenti i Republikes nuk mund te detyrohet per konsultime rreth emrave te anetareve te Gjykates se Larte. "Kuvendi votoi politikisht. Presidenti ka te drejten per gjyqesorin, dhe konsultimi per emrat qe ai propozon nuk eshte i detyrueshem me Kushtetute", nenvizoi Ibrahimi, gjate komentit te tij mbi kete ceshtje. Gjithashtu, ne argumentin e tij, Omari vuri theksin ne faktin se "konsultimi i presupozuar nuk eshte nje detyrim i Presidentit. Kjo eshte nje praktike e ndjekur nga ish-presidenti Meidani, por qe nuk eshte ndjekur ne asnje rast nga Presidenti i mepasshem Moisiu. Njelloj si Moisiu beri edhe Presidenti Topi, duke ndjekur po te njejten procedure. Dallohet qarte synimi i mazhorances per te ndikuar dhe cenuar pavaresine jo vetem te Presidentit te Republikes, por edhe te gjyqesorit ne teresi dhe Gjykates se Larte ne vecanti". Sipas tij, eshte skandaloze qe gjyqtari i pare, qe perfaqesonte Shqiperine me sukses ne Gjykaten e Strasburgut, kthehet ketu dhe gjykohet politikisht nga mazhoranca. Nderkohe qe nga ana e tij, ish-prokurori i Pergjithshem, Sollaku, vleresoi se "Presidenti nuk ka bere transparence per dekretet. Konsultimi eshte i domosdoshem dhe ne rast te kundert shkakton pasoja ne stabilitetin politik". Por, socialistet shkojne dhe me tej ne deklaratat e tyre. Sekretari per Ceshtjet Ligjore ne PS, Fatmir Xhafaj, gjate fjales se tij ne kete tryeze leshoi nje qendrim te qarte per mazhorancen qeverisese, sa i takon kandidaturave te reja per anetare te Gjykates se Larte. "Opozita nuk mund dhe nuk do te pranoje te sherbeje as si fasade dhe as si garniture per te justifikuar uzurpimin politik te institucioneve te pavarura apo me keq te sherbeje si alibi per te shpallur konsensus artificial perballe partnereve nderkombetare", vuri ne dukje Xhafaj, lidhur me kete ceshtje.