PSG blen Van der Wielin

Stephan Lichtsteiner nuk do të jetë mbrojtës i djathtë i Paris Saint-Germainit. Klubi ambicioz francez ka blerë Gregory van der Wielin nga Ajaxi i Amsterdamit.

E përditshmja sportive franceze L’Equipe ka njoftuar se PSG pagoi 6 milionë euro për mbrojtësin holandez i cili do ti bashkohet skuadrës së trajnerit Carlo Ancelotti që gjatë këtij afati kalimtar të verës bëri përforcime të mëdha përfshirë sulmuesit Zlatan Ibrahimovic, Ezequiel Lavezzi dhe qendërmbrojtësin Thaigo Silva.

Mbrojtësi i Juventusit, Lichtsteiner ishte objektiv i PSG-së por në fund klubi transferoi Van der Wielin.