Paf-ball futbollistet flluske

Në Estoni kanë gjetur një mënyrë të pazakontë për të kombinuar sportin dhe zbavitjen: ky është “paf-ball”, futbollistët flluskë. Sporti që është shpikur në Norvegji, luhet me rregulla të ngjashme si ato të futbollit tradicional, por lojtarët ndodhen Brenda disa flluskave të tejdukshme gjigande.

Futbollistë të famshëm dhe atletë të ndryshëm morën pjesën në ndeshjen e parë të “paf-ball”-it që u zhvillua në kryeqytetin e Estonisë, Tallin dhe e cilësuan praktikimin e këtij sporti si një sfidë mjaft të madhe. 

Në këtë lloj sporti, skuadrat kanë nga pesë lojtarë në fushë dhe një portier. Por, ndryshe nga futbolli i vërtetë, këtu është e rëndësishme që veç topit të shkelmosh edhe kundërshtarin. Për shkak të dueleve dhe faktit që lojtarët përplasen dhe bien gjatë gjithë kohës por pa u dëmtuar, ky sport ofron një shfaqe mjaft zbavitëse për tifozët, megjithatë ndeshja është shumë impenjative dhe ofron të papritura për lojtarët.

Ndeshja e parë e “paf ball”-it u luajt ndërmjet dy prej skuadrave kryesore të futbollit në Estoni, Levadia dhe Flora. Trajnerët e pranojnë se kjo lojë ka rregulla të pazakonta dhe theksojnë se taktika është e thjeshtë: godit gjithçka që lëviz, qoftë ky topi apo kundërshtari, duke bërë që ndeshja të jetë e lehtë për portierët dhe e vështirë për sulmuesit. Ndeshja e parë e këtij sporti të çuditshëm përfundoi me rezultatin 6-5 për ekipin Flora.