Pagat e pensionet, rritje ne 2009

TIRANE - Pagat, pensionet, infrastruktura rrugore dhe investimet ne perafrimin e ushtrise sone ne parametrat e NATO-s, investimet ne sistemin e shendetesise dhe arsimit, jane percaktuar nga kreu i qeverise Berisha, si prioritetet kryesore te vitit te ardhshem ne kuadrin e premtimeve te mbajtura. Kryeministri Berisha prezantoi dje projektbuxhetin per vitin e ardhshem gjate nje mbledhje te komitetit te Planifikimit Strategjik te mbajtur ne kryeministri. Kreu i qeverise deklaroi se projekt buxheti i vitit 2009 eshte me i madhi ne historine e vendit, me nje vlere prej 5 miliard dollare, i cili per te, garanton vazhdimin e rritjes ekonomike ne vend. "Ne buxhetin 2009, jane ruajtur te gjitha linjat programore te qeverise. Ai garanton stabilitetin makroekonomik te vendit dhe rritjen ekonomike qe 6 mujorin e pare te ketij viti, ishte dyshifrore", tha Berisha, teksa ka prezantuar parimet baze te ketij projektbuxheti. Sipas tij, pagat dhe pensionet e rritura do te vazhdojne te jene lajmi me i mire i ketij projektbuxheti, duke qene edhe prioriteti kryesor i qeverise se drejtuar nga ai. Kreu i ekzekutivit, nenvizoi faktin se Shqiperia eshte i vetmi vend ne Evrope, i cili ne 4 vjet ka dyfishuar pagat per kategori te caktuara, duke permbushur keshtu nje nga premtimet e qeverise se tij. "Asnje vend tjeter jo vetem ne Evrope, por edhe me gjere, nuk ka bere ne 4 vjet, dyfishim te pagave te mesuesve, infermiereve dhe mjekeve, sic do te bejme ne, nuk ka bere nje rritje me mbi 60 per qind te pages mesatare te administrates", deklaroi Berisha, ne fjalen e mbajtur perpara anetareve te komitetit te Planifikimit Strategjik. Po keshtu, kreu i qeverise theksoi se asnje vend tjeter nuk ka bere nje rritje me 50% per pensionet ne fshat dhe ne qytet. Berisha ka kembengulur se rritja e pagave dhe pensioneve ndikon ne menyre te drejtperdrejte ne permiresimin e jetes se shqiptareve dhe per kete arsye qeveria eshte fokusuar ne realizimin e ketij premtimi. Nga ana tjeter kryeministri deklaroi se ky projektbuxhet eshte i perqendruar dhe ne ndertimin e infrastruktures se vendit. Teksa ka prezantuar elementet me prioritare te ketij projektbuxheti, Berisha permendi nje sere aksesh te rendesishme rrugore te vendit te cilat priten te ndertohen ose te perfundojne si pasoje e projekt buxhetit te vitit 2009. Sipas tij, pervec rrugeve nacionale qe pritet te ndertohen nga ky projektbuxhet, do te investohet edhe ne rruget qe lidhin nje zone te caktuar me bregdetin e vendit dhe po keshtu edhe ne ndertimin e rrugeve rurale dhe dytesore. Po keshtu Berisha deklaroi se projektbuxheti i 2009-es, do te perqendrohet edhe ne nderimin e infrastruktures se ujrave dhe kanalizimeve ne vend. "Buxheti i 2009-es ne masen e madhe te tij, mbetet buxhet i infrastruktures, ku, pervec akseve te rendesishme rrugore, perqendrohet edhe ne ujesjelles, impiantet e perpunimit te ujerave te zeza, landfilld-et qe jane ne ndertim, ne te gjithe vendin", tha Berisha, duke paralajmeruar investime te forta vitin e ardhshem.

Fatjona Mejdini