Palestinezët nisin bisedimet për unitetin

Pas një kohe të gjatë përçarjeje, më në
fund liderët e fraksioneve të ndryshme
qeverisëse të palestinezëve
janë takuar
për të biseduar në lidhje
me mundësinë e
krijimit të një qeverie
të unitetit kombëtar.
Delegatë nga të dy
grupet kryesore, Fatah
dhe Hamas janë takuar
në Kajro të Egjiptit dhe
deri më tani kanë rënë
dakord që të ngrenë
komitete për të parë
mundësinë e krijimit
të një qeverie interim,
mbajtjen e zgjedhjeve
të reja dhe reformimin e sistemit të sigurisë.
Një nga masat që morën liderët
ishte edhe lirimi reciprok i të burgosurve.
Ata ftuan edhe median që të luante një rol
paqtor dhe jokonfl iktual
në përpjekjen për të
krijuar qeverinë e re.
Në njëfarë mënyre, në
të gjithë vendin ka nisur
një dialog kombëtar ku
marrin pjesë shumë
grupe, ndërkohë që
komitetet negociuese
palestineze do të
mblidhen në takimin
e tyre të radhës më 8
mars. Po në mars në
Egjipt do të zhvillohet
edhe një konferencë
donatorësh për mbledhjen
e 2.8 miliardë dollarëve për rindërtimin
e Gazës.