Pango: Është një koinçidencë e çuditshme
03/04/2005 I hiqen truprojat kandidatit të PD-së në zonën 33
Dje, në mesditë, dekanit të Fakultetit të Shkencave Sociale, Ylli Pango, i është hequr e drejta për të pasur truprojë, e drejtë që është marrë rreth një vit më parë, kur atij iu bë një atentat në shtëpi. Pango e ka konsideruar heqjen e truprojës së tij si një “koinçidencë të çuditshme” të shtetit në ditën që ai shpallet kandidat për deputet i opozitës përballë Anastas Angjelit. Gjatë një prononcimi për “Metropol”, Pango u shpreh se, gjithsesi mbetet e dyshimtë përse u zgjodh pikërisht ky moment për të vendosur për heqjen e truprojave. “Është një koinçidencë paksa e çuditshme që pikërisht në momentin që unë vendos të kandididoj në zgjedhje, nën siglën e PD-së, më heqin truprojen. Nuk besoj se ka shumë nevojë për komente ky xhest i shtetit”, tha Pango. Dekanit të Shkencave Sociale, Ylli Pango, iu krye një atentat në vigjilje të zgjedhjeve lokale të vitit 2003. Nga ana e saj, opozita e konsideroi atentatin ndaj tij si presion që i bëhej Pangos për shkak se u përfol si kandidaturë e mundshme e opozitës për kreun në zgjedhjet bashkiake të Tiranës. Ndërkohë, edhe heqja e truprojave të Pangos është parë nga opozita si një mjet presioni që i bëhet anëtarit të KOP, në prag të zgjedhjeve parlamentare. Nuk janë të pakta zërat brenda PD-së, që e konsiderojnë këtë akt si një ndër hapat që po përdoren nga mazhoranca për të dhunuar zgjedhjet e ardhshme parlamentare. Sipas opozitës, Tirana është vendi ku socialistët do të vënë në përdorim të gjitha makinacionet për të fituar me çdo kusht.
Dje, në mesditë, dekanit të Fakultetit të Shkencave Sociale, Ylli Pango, i është hequr e drejta për të pasur truprojë, e drejtë që është marrë rreth një vit më parë, kur atij iu bë një atentat në shtëpi. Pango e ka konsideruar heqjen e truprojës së tij si një “koinçidencë të çuditshme” të shtetit në ditën që ai shpallet kandidat për deputet i opozitës përballë Anastas Angjelit. Gjatë një prononcimi për “Metropol”, Pango u shpreh se, gjithsesi mbetet e dyshimtë përse u zgjodh pikërisht ky moment për të vendosur për heqjen e truprojave. “Është një koinçidencë paksa e çuditshme që pikërisht në momentin që unë vendos të kandididoj në zgjedhje, nën siglën e PD-së, më heqin truprojen. Nuk besoj se ka shumë nevojë për komente ky xhest i shtetit”, tha Pango. Dekanit të Shkencave Sociale, Ylli Pango, iu krye një atentat në vigjilje të zgjedhjeve lokale të vitit 2003. Nga ana e saj, opozita e konsideroi atentatin ndaj tij si presion që i bëhej Pangos për shkak se u përfol si kandidaturë e mundshme e opozitës për kreun në zgjedhjet bashkiake të Tiranës. Ndërkohë, edhe heqja e truprojave të Pangos është parë nga opozita si një mjet presioni që i bëhet anëtarit të KOP, në prag të zgjedhjeve parlamentare. Nuk janë të pakta zërat brenda PD-së, që e konsiderojnë këtë akt si një ndër hapat që po përdoren nga mazhoranca për të dhunuar zgjedhjet e ardhshme parlamentare. Sipas opozitës, Tirana është vendi ku socialistët do të vënë në përdorim të gjitha makinacionet për të fituar me çdo kusht.