Papa Benedikti celebron sot 83-vjetorin e lindjes

Papa Benedikti feston sot 83-vjetorin e ditëlindjes me vëllain e tij në Vatikan. I lindur në Bavari të Gjermanisë në vitin 1927 Jozef Ratsinger, shpejt tregoi dhunti në mësime. Pas përfundimit të universitetit në Mynih ai u emërua Kryepeshkop dhe në vitin 1977 u emërua Kardinal. Ai u zgjodh Papa Benedikti në vitin 2005, dhe të hënën më 19 prill ai do të festojë përvjetorin e pestë të papatit të tij.
Gjatë pesë viteve të papatit ai ka pasur uljet dhe ngritjet e veta. Duke filluar me një udhëtim në një nga fjalimet e tij të para në Gjermani në vitin 2006, Papa ofendoi gjithë botën myslymane duke cituar një perandor bizantin të krishterë. Në një gjest pajtues Papa vizitoi dhe u lut më vonë në nëntor të vitit 2006 në xhaminë blu në Turqi. Kohët e fundit papati i Benediktit është përfshirë në skandalet e abuzimeve seksuale. Akuzat se kisha ka mbuluar abuzimet seksuale të priftërinjve duke abuzuar edhe me fëmijët. Akuzat vijnë për shkak se në punën e tij të mëparshme në Vatikan ai ishte përgjegjës për disiplinën e priftërinjve.
Të shtunën e 17 prillit Papa do të udhëtojë për një vizitë dy ditore në Maltë, ku do të mbajë një takim privat me meshkuj të cilët pretendojnë se janë abuzuar seksualisht nga priftërinjtë.