Papa kërkon më shumë respekt ndaj grave

Gjatë meshës së djeshme historike të zhvilluar në Jordani, Papa kërkoi më shumë respekt ndaj grave. "Për fat të keq, dinjiteti që u është dhënë grave nga Zoti, jo gjithnjë është respektuar dhe vlerësuar në mënyrën e duhur", u shpreh kreu i Selisë së Shenjtë. Papa u kërkoi gjithashtu të krishterëve të Lindjes së Mesme të shtonin lidhjen e tyre me fenë. Fjalimi 13-minutësh u mbajt në stadiumin e Amanit, një ditë pasi Papa kishte takuar krerë të lartë myslimanë në xhaminë kryesore të këtij qyteti.