Parashikime ne renie te ekonomise greke

Recesioni ekonomik i Greqisë do të jetë më i rëndë se sa është parashikuar. Banka Qëndrore e Greqisë, në raportin më të fundit të saj bën me dije se për vitin 2012 ekonomia do të ulet  në -5%, më poshtë se vlerësimet e mëparshme, ndërsa do t’i rikthehet rritjes  nga fundi i vitit të aedhshëm. Në mesin e muajit mars instituti qëndrore grek parashikonte një rrudhje të ekonomisë me 4,5%, që shënon edhe vitin e pestë në radhë të recesionit ekonomik. Ndërsa të dhënat mbi papunësisë janë po të njëjtata të parashikuara nga BQG një muaj më parë në kuotën mesatare të rritjes në 19%, nga 17,7 % në vitit 2011. Përsa i takon të ardhurave të punonjësve në sektorin publik dhe privat parashikohet një reduktim i mëtejshëm në 20% për periudhën 2013-2014.

Numri një i bankës qëndrore George Provopulos ka afirmuar se vendi duhet të mbaj angazhimet e reformave dhe të shëndoshjes së llogarive publike të akorduara me eurozonën dhe FMN me qëllim rikthimin e rritjes ekonomike. Nëse në vijim të zgjedhjeve lindin dyshime mbi vullnetin e qeverisë së re dhe të shoqërisë për realizimin e programit, perspektivat aktuale të favorshme do të përmbysen. Guvernatori i bankës, Provopulos ka thënë se qëndrueshmëria e Greqisë në Eurozonë do të vihej në diskutim nëse vendi nuk është në gjendje të respektojë impenjimet e ndërmarra, kryesisht pas zgjedhjeve të përgjithshme të 6 majit.

Provopulos ka theksuar rëndësinë e nisjes së privatizimeve për të përmirësuar klimën e investimeve, një përdorim më të mirë të fondeve strukturore komunitare si dhe një aktivizim emergjent të programit energjitik. Ndërkohë që ka shtuar edhe nevojën e një sistemi të ri fiskal për nxitje të zhvillimit ekonomik.