Paratë bllokojnë zhvendosjen e varrezës
KUKES – Bllokohet zhvendosja e varrezave të Morinit që preken nga ndërtimi i aksit Durrës–Morin. Edhe pse tenderi për këtë projekt është bërë prej kohësh dhe është shpallur firma fituese, zhvendosja e varreve nuk ka nisur ende.
Sipas kryetarit të komunës Tërthorë, që ka nën administrim këtë varrezë, Remzi Veseli, edhe pse firma fituese është shpallur, Ministria e Financave dhe ajo e Transportit ende nuk e kanë çelur fondin e akorduar për këtë projekt. “Pushteti vendor ka përmbushur detyrat e tij dhe nuk është përgjegjës për frenimin e punimeve”, pohoi ai. Pak kohë më parë ministritë e mësipërme kanë publikuar shifrën prej 11 milionë lekësh që do të përdoren për ndërtimin e një varreze të re në fshatin Morin dhe shpërnguljen e varrezës së vjetër. Sipas projektit, rreth 700 varret do të zhvendosen në një tjetër sipërfaqe tokë tashmë të gjetur nga pushteti vendor. j.h
Sipas kryetarit të komunës Tërthorë, që ka nën administrim këtë varrezë, Remzi Veseli, edhe pse firma fituese është shpallur, Ministria e Financave dhe ajo e Transportit ende nuk e kanë çelur fondin e akorduar për këtë projekt. “Pushteti vendor ka përmbushur detyrat e tij dhe nuk është përgjegjës për frenimin e punimeve”, pohoi ai. Pak kohë më parë ministritë e mësipërme kanë publikuar shifrën prej 11 milionë lekësh që do të përdoren për ndërtimin e një varreze të re në fshatin Morin dhe shpërnguljen e varrezës së vjetër. Sipas projektit, rreth 700 varret do të zhvendosen në një tjetër sipërfaqe tokë tashmë të gjetur nga pushteti vendor. j.h