Parate e femijeve te ngujuar, dieta e udhetime

Nje shkrese zyrtare, qe daton muajin mars te vitit 2007, shpjegon menyren e shpenzimit te nje fondi prej 3.8 milione leke te akorduara nga Ministria e Punes dhe Ceshtjeve Sociale per qendren, ne muajt janar-mars te vitit 2007.

Sipas shkreses se firmosur nga drejtuesja e shoqates qe trajtonte femijet, financieres dhe pergjegjesit te qendres rezulton se nga ky fond vetem 181 mije leke jane shpenzuar per ushqime dhe gati nje e katerta e fondit total eshte shpenzuar per udhetime dhe dieta.

Nga 3.8 milione leke, mbi 1 milione leke kane shkuar per kete ze te vecante te cituar ne shkresen zyrtare. Ne shpenzimet e tjera rezultojne se 1.379.000 leke jane perdorur per pagat e punonjesve te qendres.

130 mije leke per faturat e energjise elektrike, 50 mije leke per faturat e ujesjellesit dhe 7 mije leke shpenzime telefonike. Nje ze i vecante i shpenzimeve jane parate e shpenzuara per udhetimin e femijeve dhe prinderve te tyre nga Policani ne Shkoder dhe jane gjithesej 581 mije leke.

160 mije leke jane perdorur per shperblime per mesuesit qe jane kujdesur per femijet e ngujuar, 6 mije leke per shperblime te bordit drejtuesi dhe vetem 181 mije leke jane shpenzuar per ushqimin e mbi 20 femijeve per tre muaj.

Nje nga shifrat me te medha rezulton te jene ato te shpenzuara per udhetime dhe dieta rreth 1.014.630 leke nga stafi i shoqates. Zyrtaret e Ministrise se Punes qe kane akorduar kete fond thone se kane djeni per kete ceshtje, por ata nuk pranuar ta komentojne per shkak se kjo shkrese eshte pjese e nje hetimi te nisur tashme nga prokuroria per akuzen e abuzimeve te mundshme me fondet.