Parate e partive, KQZ gati per kontroll Rozeta Rapushi
Komisioni Qendror i Zgjedhjeve, i ka te gjitha kapacitetet per te zbardhur ne detaje financimin e partive politike ne zgjedhje. Kryetari i KQZ-se, Arben Ristani u shpreh dje se institucioni qe drejton, mund te beje ne menyre te paanshme auditimin e subjekteve politike, sic parashikon projektligji i ri diskutuar dhe miratuar pak kohe me pare nga Komisioni i Ligjeve. "Komisioni Qendror i Zgjedhjeve, ne baze te Kodit Zgjedhor, ka nisur qe ne zgjedhjet e kaluara nje procedure per kontrollin e financave te partive gjate fushatave elektorale. Pasi te miratohet nisma e re ligjore, do te shohim se cfare mekanizmash do te kete perpunuar ligji, cfare kompetenca do t'i japi KQZ, por sido qe te jene, ne do te jemi te angazhuar per te realizuar detyrat", u shpreh Ristani. Deri me sot, kontrolli i partive ne periudhat zgjedhore per subjektet politike, eshte bere nga Kontrolli i Larte i Shtetit. Por ne baze te projektligjit te ri te diskutuar se fundmi ne komisionet parlamentare, partite politike, do te detyrohen tashme qe te bejne publike cdo vit financimet e tyre. Nderkohe, qe keto financime do te kontrollohen ne detaje ne se jane te sakta apo jo nga eksperte kontabel qe do te caktohen me short nga Komisioni Qendror i Zgjedhjeve. Komisioni Parlamentar i Ligjeve, i ka miratuar tashme ndryshimet ne ligjin per "Partite Politike", qe i detyrojne forcat politike te deklarojne financimet e tyre cdo vit, jo vetem ne prag te garave elektorale. Por miratimi i ndryshimeve, u be vetem nga mazhoranca ne komision, ndersa deputetet socialiste kritikuan ashper faktin qe do te jete pikerisht KQZ, ajo qe do te kryeje kontrollin, duke mos e cilesuar si nje organ te pavarur. Projekti duhet te marre miratimin ne seance plenare, per te funksionuar per zgjedhjet lokale te 8 Majit. Projektligji, qe percakton kontrollin financiar te partive dhe qe eshte nje nga 12 kushtet qe Shqiperia duhet te permbushe per marrjen e statusit te vendit kandidat kete vit, kaloi vetem me voten pro te demokrateve. Pas miratimit te tij ne seance, projektligji do te mund te aplikohet per zgjedhjet lokale ne prag. Zbardhja e financimit te partive politike, prej kohesh eshte kerkuar te behet nga komuniteti nderkombetar.
KQZ, vendos sot per anetaret e komisioneve zgjedhore
Komisioni Qendror i Zgjedhjeve, mblidhet sot per te emeruar anetaret dhe sekretaret e Komisioneve Zonale te Administrates Zgjedhore (KZAZ). Ne baze te ligjit, Kodit Zgjedhor, sot eshte afati i fundit per plotesimin me anetare te ketyre komisioneve. Te drejten per te emeruar anetare ne keto komisione, e kane forcat politike parlamentare, te cilat jane te vonuara ne kete proces. Sipas kryetarit te KQZ-se, Arben Ristani, deri me sot emrat jane sjelle dhe po sillen emrat nga PD dhe LSI. Nderkohe qe ende ka mungesa nga forcat e majta politike, si PS dhe PBDNJ. Per kete arsye, Komisioni Qendror i Zgjedhjeve, pritet qe te vendose ne mbledhjen e sotme se si do veproje me plotesimin e KZAZ-ve. Nderkohe qe nuk perjashtohet aspak mundesia qe komisionet ne mungese te propozimeve te emrave per anetare nga PS dhe PBDNJ, te plotesohen me persona te trajnuar nga KQZ per situata te tilla. "Shqyrtimi i projekt-vendimit: "Per emerimin e disa anetareve dhe sekretareve te KZAZ-ve, per zgjedhjet per organet e qeverisjes vendore te dates 8 maj 2011", eshte vendimi qe do te diskutohet ne mbledhjen e sotme te KQZ-se.