Parcela me kanabis, pranga kryeplakut dhe 2 inspektoreve pyjore
Shkoder-Nje kryeplak fshati dhe dy inspektore te policise pyjore, jane vene ne prangat e policise se Shkodres, pasi ne zonen e mbuluar prej tyre u gjete parcela te mbjella me bime narkotike kanabis sativa. Si personat qe mbajne pergjegjesi per mos denoncimin e ketyre rasteve, policia ka marre ndaj tyre masen e ndalimit. Burime zyrtare te kesaj policie, bejne te ditur se ne vendin e quajtur Lugina e Qutit, ne fshatin Brucaj, komuna Pult, u konstatuan parcela ku ishin mbjelle gjithsej 1550 rrenje bime narkotike kanabis sativa. Parcelat u konsideruan se ishin pa pronar, ndersa bimet narkotike u asgjesuan me ane te djegies. Pas ketij evidentimi, policia mori masen e ndalimit ndaj kryeplakut te fshatit, Mehill Demaj, 53 vjec, si dhe ndaj dy inspektoreve te policise pyjore te komunes Pult, Gjergj Prozhmi, 52 vjec dhe Gezim Hagrepi, 41 vjec. Sipas policise, dy inspektoret e policise pyjore qe mbulojne kete zone, si dhe kryeplaku i fshatit Brucaj, nuk kane informuar ne lidhje me kultivimin e ketyre bimeve. Te arrestuarit, do te procedohen penalisht per veprat penale te “Mos kallezim te krimit” dhe “Kultivim te lendeve narkotike”. Gjate nje takimi ne mars te ketij viti, me kreret e uniformat blu ne qarqe, kreu i qeverise, u kerkoi atyre qe te marrin masa ndaj zyrtareve te komunave, te cilet sipas tij edhe pse kane informacione per parcelat e hashashit e kultivuesit e tyre, nuk denoncojne ne polici.
Te arrestuar
Mehill Demaj, 53 vjec, kryeplak i fshatit Brucaj
Gjergj Prozhmi, 52 vjec, inspektor i policise pyjore
Gezim Hagrepi, 41 vjec, inspektor i policise pyjore