“Partia e Topit, një e qeshur e madhe”

Edi Paloka, deputet i PD-së

Partia Demokratike reagoi dje ndaj deklaratave të presidentit Bamir Topi, i cili gjatë një interviste televizive tha se 5 vjet më parë e kandiduan për këtë post, për ta larguar nga PD. Deputeti demokrat, Edi Paloka i cilësoi qesharake deklaratat e kreut të shtetit, ndërsa theksoi se Zotin Topi Partia Demokratike e gjeti që në fillim pa asnjë kontribut për Partinë Demokratike, e mori dhe e vuri nënkryetar partie, e bëri Kryetar Grupi Parlamentar dhe pastaj President të Republikës. Deputeti demokrat komentoi dhe shpalljen e partisë së re nga mbështetësit e Bamir Topit. Për Palokën, “partia e re e Topit, është një e qeshur e madhe”.