Partitë dhe 35 ditë afat për të dorëzuar kandidaturat
27/04/2005 KZZ do të presin deri në 1 qershor
Partitë politike kanë dhe 35 ditë afat për të dorëzuar në Komisionet Zgjedhore Zonale emrat e kandidatëve për deputet. Sipas Kodit Zgjedhor: "dokumentacioni për paraqitjen e kandidatëve për deputet, kryetar bashkie ose komune, apo për këshillin e bashkisë ose të komunës, dorëzohet përkatësisht në KZZ ose, sipas rastit, në KZQV jo më vonë se 32 ditë para datës së zgjedhjeve. Komisionet përkatëse verifikojnë saktësinë e dokumentacionit të paraqitur jo më vonë se 30 ditë para datës së zgjedhjeve". Në këtë mënyrë, duke parë se zgjedhjet do të zhvillohen në datën 3 korrik, partitë janë të detyruara që deri më 1 qershor të dorëzojnë zyrtarisht emrat dhe të dhënat për ta. "Nëse komisionet vërejnë mospërputhje ose parregullsi në dokumentacionin e kandidimit përpara mbarimit të afatit të vërtetimit të tyre, komisioni i jep kandidatit mundësinë për t’i korrigjuar mospërputhjet ose parregullsitë, duke përcaktuar afatin për riparaqitjen e dokumentacionit, por jo më vonë se 28 ditë para datës së zgjedhjeve. Komisionet përkatëse marrin vendim brenda 24 orëve për pranimin ose mospranimin e dokumentacionit të riparaqitur", thuhet në Kod. Ndërkohë, Komisioni Qendror i Zgjedhjeve ka dhe 10 ditë kohë për të publikuar formularët që duhet të plotësojnë kandidatët për të marrë të drejtën e kandidimit. Megjithatë, duket se partitë politike janë në pritje të vendimeve të kundërshtarëve për të shpallur zyrtarisht kandidaturat. Deri më tani vetëm pak konkurrentë janë prezantuar në degët e tyre. Kurse partitë do të kenë dhe një muaj në dispozicion për të paraqitur të dhënat përkatëse.
Partitë politike kanë dhe 35 ditë afat për të dorëzuar në Komisionet Zgjedhore Zonale emrat e kandidatëve për deputet. Sipas Kodit Zgjedhor: "dokumentacioni për paraqitjen e kandidatëve për deputet, kryetar bashkie ose komune, apo për këshillin e bashkisë ose të komunës, dorëzohet përkatësisht në KZZ ose, sipas rastit, në KZQV jo më vonë se 32 ditë para datës së zgjedhjeve. Komisionet përkatëse verifikojnë saktësinë e dokumentacionit të paraqitur jo më vonë se 30 ditë para datës së zgjedhjeve". Në këtë mënyrë, duke parë se zgjedhjet do të zhvillohen në datën 3 korrik, partitë janë të detyruara që deri më 1 qershor të dorëzojnë zyrtarisht emrat dhe të dhënat për ta. "Nëse komisionet vërejnë mospërputhje ose parregullsi në dokumentacionin e kandidimit përpara mbarimit të afatit të vërtetimit të tyre, komisioni i jep kandidatit mundësinë për t’i korrigjuar mospërputhjet ose parregullsitë, duke përcaktuar afatin për riparaqitjen e dokumentacionit, por jo më vonë se 28 ditë para datës së zgjedhjeve. Komisionet përkatëse marrin vendim brenda 24 orëve për pranimin ose mospranimin e dokumentacionit të riparaqitur", thuhet në Kod. Ndërkohë, Komisioni Qendror i Zgjedhjeve ka dhe 10 ditë kohë për të publikuar formularët që duhet të plotësojnë kandidatët për të marrë të drejtën e kandidimit. Megjithatë, duket se partitë politike janë në pritje të vendimeve të kundërshtarëve për të shpallur zyrtarisht kandidaturat. Deri më tani vetëm pak konkurrentë janë prezantuar në degët e tyre. Kurse partitë do të kenë dhe një muaj në dispozicion për të paraqitur të dhënat përkatëse.