Patozi: “Rama infektoi festën kombëtare me virusin punist-mafioz”
Autori i Lajmit: Redaksia
Reagime kundër vizitës së Kryetarit të Partisë Socialiste, Edi Rama, në Vlorë kanë ardhur jo vetëm nga deputetët demokratë të Vlorës, por dhe nga Tirana. Kryetari i Grupit Parlamentar të Partisë Demokratike, Astrit Patozi, tha dje se Rama infektoi edhe festën kombëtare me deklaratat e tij, që deputeti demokrat i cilësoi si të një skizofreni. “Shefi i aleancës punisto-mafioze u përpoq sot nga Vlora që të infektonte me virusin e tij edhe ditën e festës më të madhe të Shqipërisë dhe kombit shqiptar. Nën ethet e një skizofrenie, jo vetëm politike, Edi Rama po kërkon pa sukses që dëshpërimin dhe vrerin e vet, pas humbjes në zgjedhjet e lira dhe të ndershme të 28 Qershorit, ta paraqesë si një fatkeqësi kombëtare”, - pohoi Patozi, me një gjuhë që nuk ishte përdorur kaq rëndë as në fushatën elektorale për zgjedhjet e 28 Qershorit. “Por ne ftojmë të gjithë qytetarët e këtij vendi që të mos e marrin seriozisht dhe ta mëshirojnë këtë individ në krizë të thellë, sepse nuk është hera e parë që ata e shohin në një gjendje të tillë depresioni”, - vijoi Patozi. Sipas tij, Rama ka dështuar në të gjitha tentativat e veta për të prishur festat e mëdha të shqiptarëve, që nga marrja e ftesës për në NATO, ditën e madhe të anëtarësimit në Aleancën e Atlantikut, e deri tek vendimi historik i pranimit të kërkesës së Shqipërisë për statusin e kandidatit të Bashkimit Evropian, javën e kaluar. “Ne i themi kësaj mendjeje të sëmurë se Shqipërinë dhe shqiptarët ky 28 Nëntor nuk i gjen në një moment dramatik dhe delikat, por duke përjetuar lajme dhe ngjarje të mëdha për të ardhmen e tyre. Shqiptarët janë sot anëtarë të NATO-s. Ata brenda 6-mujorit të parë të vitit të ardhshëm do të lëvizin të lirë dhe pa viza në hapësirën Shengen, dhe shumë shpejt do të bëhen qytetarë të Bashkimit Evropian”, - ka theksuar Patozi. Sipas tij, ky është vërtet një moment dramatik për të gjithë ata nostalgjikë të diktaturës dhe mafiozë të rinj, që i gënjen mendja se mund të ndryshojnë kursin e pandalshëm të Shqipërisë drejt progresit dhe integrimit evropian, vetëm se është prishur ëndrra e tyre për të ardhur me çdo çmim në pushtet. Për Patozin, ky është vërtet një moment delikat për mafian politiko-ekonomike dhe për “padrinon” e saj, që shikon me frikë se çdo shtrëngim i darëve të forta të ligjit i prish në mënyrë të parikthyeshme llogaritë e saj të pista. Ndërsa në përfundim, Patozi premtoi: “Shqiptarët do ti përjetojnë të lirë dhe të qetë festat e tyre kalendarike, por mbi të gjitha zhvillimet e vrullshme që po përjeton vendi për meritë të reformave të kësaj qeverie dhe të kësaj mazhorance. Ne kemi besim dhe bindje se asnjë qytetar normal në Shqipëri nuk ka si të ndiejë keqardhje nga dhimbjet e mafies, në këtë moment vërtet dramatik për të”.
Ky lajm është publikuar: 29/11/2009
Reagime kundër vizitës së Kryetarit të Partisë Socialiste, Edi Rama, në Vlorë kanë ardhur jo vetëm nga deputetët demokratë të Vlorës, por dhe nga Tirana. Kryetari i Grupit Parlamentar të Partisë Demokratike, Astrit Patozi, tha dje se Rama infektoi edhe festën kombëtare me deklaratat e tij, që deputeti demokrat i cilësoi si të një skizofreni. “Shefi i aleancës punisto-mafioze u përpoq sot nga Vlora që të infektonte me virusin e tij edhe ditën e festës më të madhe të Shqipërisë dhe kombit shqiptar. Nën ethet e një skizofrenie, jo vetëm politike, Edi Rama po kërkon pa sukses që dëshpërimin dhe vrerin e vet, pas humbjes në zgjedhjet e lira dhe të ndershme të 28 Qershorit, ta paraqesë si një fatkeqësi kombëtare”, - pohoi Patozi, me një gjuhë që nuk ishte përdorur kaq rëndë as në fushatën elektorale për zgjedhjet e 28 Qershorit. “Por ne ftojmë të gjithë qytetarët e këtij vendi që të mos e marrin seriozisht dhe ta mëshirojnë këtë individ në krizë të thellë, sepse nuk është hera e parë që ata e shohin në një gjendje të tillë depresioni”, - vijoi Patozi. Sipas tij, Rama ka dështuar në të gjitha tentativat e veta për të prishur festat e mëdha të shqiptarëve, që nga marrja e ftesës për në NATO, ditën e madhe të anëtarësimit në Aleancën e Atlantikut, e deri tek vendimi historik i pranimit të kërkesës së Shqipërisë për statusin e kandidatit të Bashkimit Evropian, javën e kaluar. “Ne i themi kësaj mendjeje të sëmurë se Shqipërinë dhe shqiptarët ky 28 Nëntor nuk i gjen në një moment dramatik dhe delikat, por duke përjetuar lajme dhe ngjarje të mëdha për të ardhmen e tyre. Shqiptarët janë sot anëtarë të NATO-s. Ata brenda 6-mujorit të parë të vitit të ardhshëm do të lëvizin të lirë dhe pa viza në hapësirën Shengen, dhe shumë shpejt do të bëhen qytetarë të Bashkimit Evropian”, - ka theksuar Patozi. Sipas tij, ky është vërtet një moment dramatik për të gjithë ata nostalgjikë të diktaturës dhe mafiozë të rinj, që i gënjen mendja se mund të ndryshojnë kursin e pandalshëm të Shqipërisë drejt progresit dhe integrimit evropian, vetëm se është prishur ëndrra e tyre për të ardhur me çdo çmim në pushtet. Për Patozin, ky është vërtet një moment delikat për mafian politiko-ekonomike dhe për “padrinon” e saj, që shikon me frikë se çdo shtrëngim i darëve të forta të ligjit i prish në mënyrë të parikthyeshme llogaritë e saj të pista. Ndërsa në përfundim, Patozi premtoi: “Shqiptarët do ti përjetojnë të lirë dhe të qetë festat e tyre kalendarike, por mbi të gjitha zhvillimet e vrullshme që po përjeton vendi për meritë të reformave të kësaj qeverie dhe të kësaj mazhorance. Ne kemi besim dhe bindje se asnjë qytetar normal në Shqipëri nuk ka si të ndiejë keqardhje nga dhimbjet e mafies, në këtë moment vërtet dramatik për të”.
Ky lajm është publikuar: 29/11/2009