Pengmarresi i femijes: Jam penduar per krimin

Lezhe- Nuk kane kaluar as 24 ore nga ngjarja qe terrorizoi banoret e Lezhes dhe vjen pendimi i te dyshuarit per pengmarrjen e 6- vjecarit M. P, si shenje hakmarrje per nje femer. Agim Marku ka dhene deshmine e plote per oficeret e policise gjyqesore, duke konfirmuar se shkaku ishte babai i te miturit, Anton P., i cili i kishte marre te dashuren. "Jam i penduar per ate qe bera, por ai me kishte marre te dashuren me te cilen doja te martohesha", ka thene 24 vjecari para hetuesve diten e djeshme. Policia tha se per te zbardhur ngjarjen ka ndihmuar edhe nje shok i te dyshuarit, A. L., i cili eshte telefonuar nga 24 vjecari qe ta ndihmonte per t'i gjetur nje vend ku te strehonte 6-vjecarin. Ai i ka kerkuar qe ta lironte femijen dhe me pas ka njoftuar policine e Lezhes. Fillimisht kishin nisur negociatat per lirimin e femijes, por Marku kishte refuzuar, derisa i eshte mbushur mendja te lironte nxenesin e klases se pare. Ne perpjekje per t'u larguar nga fshati Gjader ai eshte kapur nga policia dhe akuzohet per "heqje te lirise se tjetrit".

A.B