Për kë është shteti i ri ?

Në Mashkullorë të rrapi

nga Tirana vjen Mazapi

Thotë: “Me kosë do ta pres

Unë hashashin mes për mes…

…Bote-uji? Do t’i shpojë...

Krisma? Unë do t’i ndaloj

Lini policine të shkojë,

Se ju kuq ju bëj me bojë..!”

Kakaris automatiku

Hashashi, gjethet si fiku

Bimbashi ikën, ndërrohet

Lul’e drogës zbukurohet

“Unë nuk pyes për asnjë shtet

Do lejojmë policinë

Kur ta korr si dua vetë

Kur ta shesim në Janinë...”

Lulëzon si grurë hashashi

nëpër lagje, nëpër hone

Po pse s’flet ky Padishahu

që drejton që prej Tirone?

Padishah o trim me fletë

Pa ec pak këtej hendekut

Shpesh merr zjarr e nis bërtet

Si i thonë, si pushkë e jevgut

Padishah, një pyetje kam

The është koha për ndryshim

Na premtove “shtet të ri”

Ndaj të thamë bujrum o trim…

Padishah, një pyetje kam

Për kë është ky “shtet’i ri”

Për të ndershmit punëtorë

a për gangot që mban ti?

Drogë për ca fletë votimi

Drogë me targa ambasade

Hajt ta shohim trimërinë

Shko zbatoje ligjin sade

O “politikan”, “lider”,

Gangot shtetin tonë e vranë

S’bëhet shtet, o gjeluc plehu

më hundë lesh e huliganë