Për të mirën e Shqipërisë

Sa fat paske o Berishë

paske lindur më këmishë

miqtë t’i merr Perëndia

kundërshtarët gjuetia

Në Armen të kanë kënduar

korrupsionin ke dërrmuar

Lufton ti, çupa dhe djali

Me tre lule s'vjen behari

Nuk fitohet kjo betejë

pa mobilizim më tej

me pushtuesin kur luftuam

28 mijë vetë flijuam

Luftuam vetëm 5 vjet

fituam lirinë për jetë

17 vjet (nuk janë pak)

humbëm veç një baxhanak

Sali, ta ka borxh atdheu

mos u tut hiç o burr’ dheu

gjithë brezat që do vijnë

lart do të ta ngrenë lavdinë

Korrupsioni është përhapur

ç'nuk po bëjmë për ta kapur

Tri beteja janë zhvilluar

me humbje kanë përfunduar

E rrethuam në Morinë

po iku e çau kufinë

Luli drejtonte ushtrinë

ndaj ia hoqëm ministrinë…

Tërë ushtrinë mobilizuam

Benzat, vilat i flijuam

Eh çfarë lufte, s’gjen vrimë miu

Komandant Fatmir Mediu

Salë, ti luftën mos e lër

sa të shuhet vend i tërë

se tek ti i kemi sytë

komisar që s'ke të dytë

Dhe vazhdo me ironi

Thuaj, i bardhi është i zi,

kur ke gojë flet edhe ti

ke fat, je në Shqipëri