Përballja e rivalëve për Kupë

Të mërkurën do të zhvillohen rrethi i parë i Kupës së Kosovës në futboll. Në këtë xhiro, skuadrat elitare do të sfidohen nga ekipet e rangjeve më të ulëta të futbollit kosovar.

Megjithatë, ndeshja më interesante do të zhvillohet në kryeqytet, ku do të ballafaqohen dy rivalët lokalë, Prishtina e Flamurtari. Duhet theksuar se Lepenci, Feronikeli e Ferizaj janë kualifikuar direkt në rrethin e dytë, pasi Dukagjini, Kaolini dhe Australia janë tërhequr nga garat për këtë trofe.

Në kuadër të rrethit të parë ndeshjet do të zhvillohen me sistem eliminimi.

Mirëpo, në rast se koha e rregullt e ndonjë takimi përfundon baras, atëherë duhet të zhvillohen dy parë vazhdime me nga 15 minuta. Nëse edhe pas vazhdimeve rezultati është i barabartë, atëherë penaltitë do ta përcaktojnë fituesin.

Kupa e Kosovës – Rrethi i parë

E mërkurë

Hajvalia – 2 Korriku

Vitia – Trepça

Trepça ’89 – Rilindja

Ballkani – Tefik Çanga

Kosova (P) – Hysi

Liria – Llapi

Istogu – Besa

Drita – Ulpiana

KEK-u – Vigani

F. Kosova – Gjilani

Prishtina – Flamurtari

Vëllaznimi – Artakolli

R. Sadiku – Drenica

Të gjitha ndeshjet fillojnë në orën 13:00