Përcillet për në banesën e fundit polici i vrarë
20/05/2010 Miqtë, kolegët dhe të afërmit e Tom Jakinit flasin me superlativa për të
Autori, ish-koleg i viktimës shprehet i penduar. Pritet masa e arrestit
SHKODER- Familjarë, të afërm, miq, kolegë dhe drejtues të lartë të Drejtorisë së Policisë Shkodër i kanë dhënë lamtumirën e fundit me dhimbje e lot në sy efektivit të postës së policisë së Bushatit, 35-vjeçarin Tom Jakini, baba të tre fëmijëve, të vrarë ditën e martë nga kolegu i tij Ramiz Ademi. Ceremonia mortore, e zhvilluar në orën 14:00 në fshatin e tij Naraç të Vaut të Dejës, u shoqërua me heshtje të plotë nga pjesëmarrësit në këtë ditë të zezë për familjen Jakini. Kolegë dhe të afërm të viktimës Jakini e kanë mbajtur në krahë arkivolin me trupin pa jetë të tij që nga banesa ku lindi dhe u rrit deri në banesën e fundit të tij. Pas ceremonisë mortore, drejtori i policisë së qarkut Shkodër, Vullnet Topalli, duke shprehur ngushëllimet për familjen Jakini, u shpreh se ngjarja dhe dhimbja është aq e madhe sa i ka tronditur të gjithë. Ndërkohë kolegët dhe bashkëfshatarët e viktimës Tom Jakini janë shprehur me superlativa për të. “Ishte një baba, shok, njeri shumë i rrallë. Mjaft i dashur, i afrueshëm, i qeshur, i gjindshëm me të gjithë e për të gjithë. Askujt nuk i shkonte në mendje se dikush mund ta vriste për fjalë. Në momentin e parë menduam se Toma kishte gjetur vdekjen në përleshje me ndonjë kriminel. Dhimbja ishte e madhe, por kur u mësua se kishte qenë kolegu i tij, me të cilin kishte 7 vite që punonte në postën e policisë së Bushatit, të gjithë u tronditën edhe më shumë për këtë lajm. Toma ishte një njeri që nuk vritej as për gjak e jo më për fjalë”, janë shprehur banorët e fshatit Naraç. Ndërkohë autori, ish-efektivi 44-vjeçar Ramiz Ademi ndodhet në dhomat e paraburgimit të Drejtorisë së Policisë së qarkut Shkodër, në pritje të paraqitjes para trupit gjykues, i cili pritet të japë masën e arrestit ditën e enjte. Gjatë marrjes në pyetje nga grupi hetimor, autori Ademi ende në gjendje të rënduar psikologjike, me lot në sy, ka shprehur pendesën për veprën penale që ka konsumuar.
Autori, ish-koleg i viktimës shprehet i penduar. Pritet masa e arrestit
SHKODER- Familjarë, të afërm, miq, kolegë dhe drejtues të lartë të Drejtorisë së Policisë Shkodër i kanë dhënë lamtumirën e fundit me dhimbje e lot në sy efektivit të postës së policisë së Bushatit, 35-vjeçarin Tom Jakini, baba të tre fëmijëve, të vrarë ditën e martë nga kolegu i tij Ramiz Ademi. Ceremonia mortore, e zhvilluar në orën 14:00 në fshatin e tij Naraç të Vaut të Dejës, u shoqërua me heshtje të plotë nga pjesëmarrësit në këtë ditë të zezë për familjen Jakini. Kolegë dhe të afërm të viktimës Jakini e kanë mbajtur në krahë arkivolin me trupin pa jetë të tij që nga banesa ku lindi dhe u rrit deri në banesën e fundit të tij. Pas ceremonisë mortore, drejtori i policisë së qarkut Shkodër, Vullnet Topalli, duke shprehur ngushëllimet për familjen Jakini, u shpreh se ngjarja dhe dhimbja është aq e madhe sa i ka tronditur të gjithë. Ndërkohë kolegët dhe bashkëfshatarët e viktimës Tom Jakini janë shprehur me superlativa për të. “Ishte një baba, shok, njeri shumë i rrallë. Mjaft i dashur, i afrueshëm, i qeshur, i gjindshëm me të gjithë e për të gjithë. Askujt nuk i shkonte në mendje se dikush mund ta vriste për fjalë. Në momentin e parë menduam se Toma kishte gjetur vdekjen në përleshje me ndonjë kriminel. Dhimbja ishte e madhe, por kur u mësua se kishte qenë kolegu i tij, me të cilin kishte 7 vite që punonte në postën e policisë së Bushatit, të gjithë u tronditën edhe më shumë për këtë lajm. Toma ishte një njeri që nuk vritej as për gjak e jo më për fjalë”, janë shprehur banorët e fshatit Naraç. Ndërkohë autori, ish-efektivi 44-vjeçar Ramiz Ademi ndodhet në dhomat e paraburgimit të Drejtorisë së Policisë së qarkut Shkodër, në pritje të paraqitjes para trupit gjykues, i cili pritet të japë masën e arrestit ditën e enjte. Gjatë marrjes në pyetje nga grupi hetimor, autori Ademi ende në gjendje të rënduar psikologjike, me lot në sy, ka shprehur pendesën për veprën penale që ka konsumuar.