Permbytja e Shkodres, prokuroria pyet per here te dyte Muharrem Stojkun

SHKODER- Prokuroria e Shkodres pyet per here te dyte ne cilesine e personit qe ka dijeni per permbytjet ne Shkoder dhe menaxhimin e hidrocentraleve, drejtorin e Korporates Elektroenergjetike Shqiptare (KESH). Muharrem Stojku ka udhetuar per te dyten here drejt qytetit verior brenda dy javeve, me qellim qe te jepte shpjegime per shkarkimet ne kaskade qe sollen permbytjen e mbi 11 mije hektareve toke dhe 2600 shtepive ne 8 komuna dhe 7 lagje te qytetit. Stojku mesohet se eshte pyetur nga vete kreu i organit te akuzes, Perparim Kulluri. Behet e ditur nga burime te ketij organi se kreu i KESH-it ka deshmuar se menaxhimi i digave ne kaskaden e Drinit, eshte bere konform ligjeve dhe rregullave qe parashikohen dhe po keshtu hapja e portave mbi Drin. Me tej Stojku ka pohuar se zyrat qendrore kane dhene urdhra per menaxhimin e kaskades se Drinit ne varesi te shifrave qe jane derguar nga drejtorite e HEC-ve dhe nga zyrat lokale te KESH-it. Per kete qellim pritet qe Prokuroria e Shkodres te therrase per shpjegime edhe tre drejtoret e HEC-ve ne kaskade, Komanit, Vaut te Dejes dhe Fierzes. Javen e dyte te janarit, Prokuroria e Shkodres hapi hetimet kryesisht per permbytjet, ndersa pas verifikimit te dokumenteve ne KESH dhe Hidrocentrale, u vendos fillimi i procedimit penal, por ende nuk zyrtarizohet nese eshte ngritur ndonje akuze apo ende po kryhen verifikime nese ka elemente te vepres penale.