Permbytja e pompave te ujit nderpritet furnizimi per shkak te ndotjes
URE-VAJGURORE- Drejtoria e Shendetit Publik ne qytetin e Beratit ka urdheruar dje moskonsumimin e ujit te pijshem per banoret e bashkise se Ures Vajgurore. Uji i pijshem mesohet se ka rezultuar me ndotje teper te larte cka ka bere qe te njoftohen menjehere banoret per nderprerjen e konsumimit te ujit per pirje dhe gatim.
Burime prane Drejtorise se Shendetit Publik bejne me dije se nga analizat e ujit te pijshem te qytetit te Ures Vajgurore ka rezultuar nje ndotje e larte si pasoje e depertimit te dherave ne pompat e ujit te pijshem.
Specialistet kane analizuar kampione te ujit te pijshem ne lagje te ndryshme te bashkise. Ne te gjithe keta kampione te analizuar ndotja ka rezultuar e larte. Per moskonsumimin e ujit jane njoftuar 13 mije banoret e bashkise.
Ne keto kushte banoret kane qene te detyruar tiu drejtohen dyqaneve per te blere uje te ambalazhuar. Kryetari i bashkise Syrja Ormenaj eshte shprehur se ndotja e ujit te pijshem ka ardhur si rezultat i permbytjes se pompave te ujit te cilat ndodhen ne breg te lumit Osum.
Prurjet e medha te lumit si pasoje e reshjeve intensive gjate fundjaves shkaktuan dhe permbytjen e pompave ku si shkak i amortizimit dherat kane depertuar tek uji i pijshem duke u bere i pakonsumushem. Kryetari Ormenaj shprehet se nuk eshte hera e pare qe 13 mije banoret e kesaj bashkie perballen me problemin e ndotjes se ujit.
Ai shprehet se i eshte kerkuar ndihme repartit te zjarrfikeses qe te merren masa per furnizimin e banoreve me uje nepermjet boteve.