Përmbytje biblike në Romë

Roma ndodhet në gjendje gatishmërie të lartë pas
shirave të jashtëzakonshëm që kanë rënë ditët
e fundit dhe që e kanë ngritur në një nivel shumë
të lartë ujin në lumin që kalon nëpër qytet, Tiber.
Kryebashkiaku i Romës tha se situata e emergjencës
ishte ajo që vendoset me rastin e një tërmeti të
madh dhe se ishin marrë të gjitha masat që të mos
krijoheshin probleme të mëtejshme. Rrugët e kryeqytetit
pranë lumit janë kthyer në lumenj të vërtetë
ku makinat dhe njerëzit e kanë pasur të pamundur
që të avanconin. Një përmbytje e tillë në kryeqytetin
italian nuk mbahet mend që nga vitet ‘70