Perplasen furgonet, vdes udhetarja, 2 te plagosur

SHKODER- Sikur te mos mjaftonte drama e permbytjeve ne Qarkun e Shkodres, qyteti eshte tronditur dje nga nje aksident tragjik, qe ka ndodhur vetem 1 km larg Ures se Bunes. Shpejtesia e madhe e dy furgoneve te linjes Shkoder-Muriqan qe udhetonin ne drejtime te kunderta, eshte bere shkak per ngjarjen me pasoje nje udhetare e vdekur dhe dy te plagosur. Ngjarja ndodhi rreth ores 08:45 te mengjesit ne vendin e quajtur "Gurorja", afer fshatit Zus. Burime zyrtare nga Drejtoria e Policise, thane se mjetet e perplasura jane furgonat me targa SH 9253 C dhe SH 2669 D. Per pasoje ka gjetur vdekjen e menjehershme Albina Gocaj 48 vjece, si dhe jane demtuar rende V. Gocaj 58 vjec dhe V. Verri 54 vjec, te cilet jane derguar menjehere ne spitalin rajonal te Shkodres, ku po marrin ndihmen mjekesore. Te tre keta persona, te aferm me njeri-tjetrin, po udhetonin si pasagjere ne mjetet e perfshira ne aksident. Ne vendin e ngjarjes ka mberritur menjehere grupi hetimor, i cili po kryen te gjitha veprimet e duhura procedurale e hetimore per te zbuluar shkaqet e aksidentit, si dhe ka shoqeruar ne ambientet e Komisariatit Shkoder, dy drejtuesit e furgoneve per "shkelje te rregullave te qarkullimit rrugor". Dyshohet se shkak eshte bere shpejtesia ne udhetim dhe ndonje parakalim i gabuar. Policia tha se te dy mjetet ishin furgona pasagjeresh, qe kryenin transportin e banoreve nga fshati ne qytet dhe anasjelltas.
Durres
Dy persona u plagosen diten e djeshme ne Durres. Policia vendore njoftoi se nisi hetimet ne dem te emigrantit V. L., pasi ne lagjen nr. 13, afer "Plepave", duke drejtuar makinen "Seat" me targa YXI3742, ka plagosur nje 19-vjecare qe udhetonte ne nje tjeter mjet. Kurse S. X., 51 vjec, eshte plagosur duke drejtuar makinen e tij "Iveco", e cila doli nga rruga afer Maminasit, ne autostrade.