Perplasja ne Kuvend, kunder opozita dhe ministri Bode

Ndryshimet ne ligjin per demshperblimin e ish te denuarve politike, do te sjellin jo pak debate, ne seancen plenare te 12 marsit, kur do te kryhet votimi. Pervec opozites, duket se mazhoranca do te kete kunder dhe Ministrine e Financave, e cila kohe me pare u shpreh se nuk perballon dot rritjen e shpenzimeve. Sipas kesaj Ministrie, duhet te perllogaritet me pare, se sa shkon kostoja financiare qe buxheti i shtetit duhet te perballoje, per rritjen e rrethit te personave qe do te perfitojne demshperblim. Me pas, te shihet per miratimin apo jo te kerkeses se deputeteve demokrate, per ndryshimet ligjore. Ministria beri te ditur, se fondi i percaktuar per kompensimin, kete vit eshte i percaktuar. Nga ana tjeter, po Ministria e Financave ka paralajmeruar se rrezikohet te pezullohet ndarja e fondit te percaktuar aktualisht ne buxhetin e shtetit, per demshperblimin e ish te perndjekurve. Kjo pasi, shtyhet afati i depozitimit te kerkeses per aplikimin e perfitimit te statusit te ish te denuarve nga regjimi komunist.