Pese kompani nafte dhe Ujesjellesi, 2,2 miliarde leke borxhe tatimeve

Fier- Kompanite e naftes dhe Ujesjellesit e Fierit dhe Patosit jane debitoret me te medhenj ne degen e Tatim-Taksave ne Fier. Lajmi konfirmohet nga burime zyrtare te institucionit dhe drejtuesit Zaho Jace. Sipas tij vlera e debise shkon ne 2,2 miliarde leke. Mesohet se 2 miliarde leke te borxhit e perben sektori shteteror dhe vetem 10 per qind sektori privat. Debia eshte e bartur prej viteve 2000 dhe 2006 per mungese te aftesive paguese. "Per 6 mujorin e pare te ketij viti jane nxjerre urdher bllokimi te llogarive bankare per 180 subjekte si dhe urdher sekuestrimi te pasurise per 52 subjekte. Ne degen e tatimeve ne Fier deri me 30 korrik 2008, borxhi arrin ne vleren 2,2 miliarde leke", tha dje per gazeten "KJ" kreu i Tatimeve, Jace. Debitoret me te medhenj ne degen e Tatim-Taksave Fier jane kompanite e naftes "Albpetrol", "Armo", "Transnafta", "Uzina Mekanike Patos", "Servcom", Ujesjellesit e Fierit dhe Patosit. Ne 6 mujorin e pare te vitit 2008 jane hartuar 391 njoftime nga sektori i rimbursimit. Gjithashtu po ne kete periudhe jane nxjerre urdhra bllokimi te llogarive bankare ne vleren 66 milione leke, urdhra bllokimi ne vleren 18 milione leke dhe 52 urdhra sekuestrimi pasurie ne vleren e 17 milione lekeve, duke arketuar rreth 100 milione leke. Pritet qe ditet e ardhshme sipas Jaces te nxirren urdhra te tjere sekuestrimesh.

Xh. Beharaj