Pese njesi, Basha 83 vota para Rozeta Rapushi

Mbyllet procesi i numerimit te votave te hedhura ne kutine e gabuar per pese njesi bashkiake ne Tirane, nga ku rezulton se kandidati i koalicionit "Aleanca per Qytetarin", Lulzim Basha ka nje epersi prej 83 votash ndaj kundershtarit, Edi Rama. Ne oren 21:00 te mbremjes, KQZ perfundoi numerimin e fleteve te hedhura ne kutine e gabuar per KZAZ-ne numer 49, njesine numer 5, me problematiken ne keto zgjedhje. Nga numerimi ne total i 224 kutive per njesine 5, rezultuan te vlefshme 8 vota per kandidatin Lulzim Basha dhe vetem 3 per Edi Ramen, duke e cuar ne 83 vota epersine e kandidatit Basha ndaj kundershtarit. Nderkohe qe gjate mbledhjes se paradites, KQZ realizoi numerimin e votave te hedhura ne kutine e gabuar per KZAZ-ne 48, njesine bashkiake numer 4 ne kryeqytet. Ne kete njesi, pas hapjes se 160 kutive rezultuan nje numer i barabarte fletesh te hedhura gabimisht per te dy kandidatet per Bashkine e Tiranes. Me konkretisht, nga hapja e ketyre kutive rezultuan 53 vota per kandidatin demokrat Lulzim Basha dhe 53 vota per rivalin e tij, kandidatin socialist Edi Rama. Me rezultatin e mbledhjes se paradites se KQZ-se, kandidati demokrat Basha, kishte nje epersi prej 78 votash ndaj Rames. Epersi kjo qe u rrit pasdite me hapjen e kutive per njesine numer pese. Cuditerisht, ndonese me e madhe ne volum, hapja e kutive per kete njesi u be ne nje kohe shume te shpejte, ne krahasim me njesine kater, ku 160 kuti u hapen per me shume se 3 ore, nderkohe qe 224 kutite per njesine numer 5, u hapen ne rreth 2 ore e 30 minuta. Me mbylljen e numerimit te pese njesive bashkiake ne kryeqytet, tashme grupeve te numerimit te ngritur ne ambientet e Komisionit Qendror te Zgjedhjeve, i mbeten edhe gjashte njesi bashkiake per tu hapur dhe vleresuar ne se ne to ka flete te hedhura ne kutine e gabuar apo jo. Puna do te rinise serish ne mbledhjen e sotme, ku do te hapen kutite per njesine bashkiake numer gjashte ne mbledhjen e paradites dhe per njesine bashkiake numer 7 ne mbledhjen e pasdites. Me kete ritem, KQZ pritet qe t'i jape fund procesit te hapjes se kutive per Bashkine e Tiranes, diten e enjte ne mbremje. Duke pasur mundesine keshtu qe te prodhoje nje rezultat per kryeqytetin ne fundjave, ashtu sic e parashikoi edhe kryetari i KQZ-se, Arben Ristani pak dite me pare. Pas mbylljes se ketij procesi nga KQZ, serish forcat politike mund te ankohen brenda afateve ligjore ne Kolegjin Zgjedhor, per ndonje pretendim te tyre.