Peshkaqeni, gjahu 6 kuintale

Ornela Hila
Nje nder peshkaqenet me te medhenj te viteve te fundit ka rene ne rrjetat e peshkatareve vlonjate, te cilet po "rivalizojne" denjesisht me koleget e tyre te Durresit. Motopeshkatorja "Centarium 2" ka sjelle mengjesin e djeshem ne portin e Vlores egersiren e detit me gjatesi rreth 8 metra dhe me peshe rreth 600 kilograme. Per te ngritur peshkaqenin dhe per ta ulur ne bashin e anijes se vogel, jane dashur 10 burra.
Gjuetia
Peshkaqeni i llojit "pellumb" eshte kapur tri dite me pare, ne afersi te Kepit te Gjuzes, rreth 9 milje nga porti i Vlores. Peshkataret treguan dje se koha e keqe i ka detyruar ata te kerkojne strehe ne nje zone te mbrojtur te Karaburunit, se bashku me gjahun e rralle. "Nuk arrinin dot ta ngrinim mbi kuverte dhe u detyruam ta lidhim ne pjesen anesore te anijes, me koken qe i varej ne uje", tregon Nezir Habibi, kapiten i motopeshkatores "Centarium 2". Kjo ka bere qe peshkaqeni te kete mberritur ne port me demtime te konsiderueshme te pjeses se kokes, gjate perplasjeve me shkembinjte e zones se Karaburunit.
"Pellumbi" i rralle
Peshkataret e vjeter tregojne se peshkaqene te llojit "Pellumb" kane rene shpesh ne rrjetat e vlonjateve, por jo te ketyre permasave. Peshkaqeni eshte i bardhe dhe me nje gjatesi prej afro tete metrash, ndersa pesha e tij shkon ne afro 6 kuintale. Peshkataret qe e sollen ne breg treguan se goja e tij e hapur kishte nje diameter prej afro 1 meter, ndersa dhembet ishin te gjate e te mprehte.
"Mysafiri" i rrezikshem
Kapiteni i anijes "Centarium 2", Nazir Habibi thote se prezenca e te tilla specieve ne afersi te bregdetit shkembor te Karaburunit, por edhe brenda Gjirit te Vlores, perben nje element frike per zhytesit, te cilet duhet te jene mjaft te kujdesshem, sidomos kur gjuajne me shtize. Ai shtoi se eshte nje problem serioz qe te tilla specie jane ne qarkullim ne ujerat tona, pasi jane mjaft te rrezikshme per njeriun. Aq me teper per zonen e Vlores, qe ka te tilla karakteristika te pershtatshme per gjuetine nenujore, pasi ka ujera te thella e te pastra. Kapja gjithnje e me e shpeshte e ketyre egersirave ne Vlore duket si kambane alarmi ne prag te sezonit turistik qe po afron. Sipas Habibit, rastet e peshkaqeneve te gjetur ne bregdetin shqiptar kane qene te shpeshta kohet e fundit. Por ato nuk jane vetem nje problem. Ne fakt peshkarexhat qe mund te kapin egersirat e rrezikshme mund te konsiderohen me fat. Kjo pasi mishi i tyre eshte i kerkuar dhe shitet me nje cmim qe ne Durres arrin ne 400 leke per kilogram, ndersa ne Vlore dicka me pak. Ndersa "Pellumbi" i kapur nga ekuipazhi i "Centaurium 2" eshte edhe me i mire, pasi ai ka qendruar per dy dite nen shi dhe eshte pastruar disi nga kripa dhe amoniaku.