Peshkatarët gjejnë një kafkë në rrjetat e peshkut

Një kafkë është zbuluar nga disa peshkatarë, ndërsa ata kishin mbledhur rrjetat për peshkim. Ngjarja ndodhi ditën e djeshme në Shëngjin, kur një nga peshkarexhat e dala për peshkim ka zbuluar mes peshkut një kafkë. Pas kësaj, u njoftua me urgjencë policia lokale, e cila shkoi në vendin e ngjarjes. Kafka e gjetur u dërguar në morgun e qytetit për ekzaminime. Nuk ka ende asnjë të dhënë rreth asaj që është gjetur, pasi policia deklaron se do të priten të gjitha ekzaminimet e nevojshme përpara se të dilet me një deklaratë. Do të jenë ditët në vazhdim ato që do të japin një informacion në lidhje me këtë ngjarje.