Pjesëmarrje e lartë në referendumin në Egjipt

Një muaj pas rrëzimit të presidentit autokrat, Husni Mubarak, në Egjipt qytetarët kanë marrë pjesë në një referendum për ndryshime kushtetuese.

Korrespondentët njoftojnë për pjesëmarrje të lartë në votimin e parë të lirë në Egjipt, që prej 30 vjetësh.

Ndryshimi i kushtetutës së Mubarakut në nëntë pika synon të hapë rrugën për zgjedhje presidenciale dhe parlamentare brenda këtij viti.

Mbajtësi i çmimit Nobel për paqe dhe kandidati i mundshëm për president, Mohammed El Baradei, u sulmua nga një turmë njerëzish para qendrës së votimit dhe u pengua të hidhte votën.