Plagoset me armë zjarri 14-vjeçari

Një 14-vjeçar nga periferia
e qytetit të Fierit
është plagosur dje
me një pistoletë. I lënduari
gjendet ende në spitalin e Fierit,
ndërsa policia po punon
për të zbardhur rrethanat e ngjarjes,
si edhe gjetjen e autorëve
të mundshëm. Sipas
policisë, një nga pistat e
hetimit është edhe ajo e vetëplagosjes,
megjithatë i dëmtuari
nuk e ka pranuar këtë. Burimet
zyrtare të policisë bëjnë
të ditur se paraditen e së
mërkurës, në spitalin rajonal
të Fierit ka shkuar i plagosur
Fatjon Hajdari, 14 vjeç. Në spital
mësohet se ai është sjellë
nga prindërit dhe të afërmit e
tij. Mjekët e spitalit të Fierit tregojnë
se plumbi e ka prekur 14-
vjeçarin në këmbën e majtë, në
afërsi të kërcirit, duke i dëmtuar
një pjesë të kockës, ndërkohë
që mësohet se ka humbur
një sasi të madhe gjaku.