Plaku: Me Flamurtarin fitoj "Këpucën e Artë"
"Dua të shënoj shumë dhe të fitoj trofe me këtë skuadër"
Sulmuesi i ardhur në këtë merkato vere te Flamurtari, Sebino Plaku, është ambientuar mjaft mirë me pjesën tjetër të grupit. Këtë e tregojnë edhe dy golat që ka shënuar në dy ndeshjet miqësore. Ai në kampionatin e kaluar ka qenë një nga futbollistët kryesorë të ekipit të Tiranës, duke e ndihmuar që të merrte pjesë në Kupat e Evropës. Në një prononcim për "Panorama Sport", sulmuesi i Flamurtarit Sebino Plaku u shpreh: "Ambiciet e mia dhe të Flamurtarit nuk janë vetëm për kampionatin, por për më tepër. Synimi ynë është të ngjitemi në katet e sipërme të tabelës, pse jo të fitojmë edhe Kupën e Shqipërisë. Ndërsa, në lidhje me aspektin personal dua të shënoj sa më shumë gola, në mënyrë që të fitoj 'Këpucën e Artë'. Pikërisht ambiciet e skuadrës dhe drejtuesve të saj janë arsyet që më kanë bindur për të firmosur për Flamurtarin këtë sezon. Më vjen mirë që do të jem pjesë e kësaj skuadre, e cila ka objektiva të mëdha dhe nuk bëhem aspak pishman për zgjedhjen e bërë".
Përgatitjet
Flamurtari po u jep dorën e fundit përgatitjeve në tokën maqedonase, ndërkohë që sot do të kthehen në Shqipëri. Përsa i përket përgatitjeve, sulmuesi Sebino Plaku u shpreh: "Skuadra ka ndryshuar ndjeshëm nga dita në ditë, duke marrë edhe formën e saj të plotë. Përveç stërvitjes kemi zhvilluar edhe dy ndeshje të cilat na ndihmojnë të shohim formën tonë. Kam shumë besim se në sezonin e ri do të jemi një skuadër e fortë dhe pretendente për të fituar titull", ka përfunduar sulmuesi i Flamurtarit Sebino Plaku, i cili në dy ndeshjet miqësore që kanë zhvilluar vlonjatët ka shënuar dy gola. Sulmuesi, me shumë mundësi sezonin e ri do të jetë një nga titullarët kryesorë që do të përfaqësojë Flamurtarin. Megjithëse trajneri Gugash Magani ende nuk e ka përcaktuar 11-shen bazë që do të përfaqësojë vlonjatët në sezonin e ardhshëm futbollistik. Madje, kreu i pankinës vlonjate, edhe në ndeshjet miqësore të zhvilluara deri më tani, ka gërshetuar "veteranët" me të rinjtë të cilët shpresojnë që të fitojnë një fanellë titullari.
Sulmuesi i ardhur në këtë merkato vere te Flamurtari, Sebino Plaku, është ambientuar mjaft mirë me pjesën tjetër të grupit. Këtë e tregojnë edhe dy golat që ka shënuar në dy ndeshjet miqësore. Ai në kampionatin e kaluar ka qenë një nga futbollistët kryesorë të ekipit të Tiranës, duke e ndihmuar që të merrte pjesë në Kupat e Evropës. Në një prononcim për "Panorama Sport", sulmuesi i Flamurtarit Sebino Plaku u shpreh: "Ambiciet e mia dhe të Flamurtarit nuk janë vetëm për kampionatin, por për më tepër. Synimi ynë është të ngjitemi në katet e sipërme të tabelës, pse jo të fitojmë edhe Kupën e Shqipërisë. Ndërsa, në lidhje me aspektin personal dua të shënoj sa më shumë gola, në mënyrë që të fitoj 'Këpucën e Artë'. Pikërisht ambiciet e skuadrës dhe drejtuesve të saj janë arsyet që më kanë bindur për të firmosur për Flamurtarin këtë sezon. Më vjen mirë që do të jem pjesë e kësaj skuadre, e cila ka objektiva të mëdha dhe nuk bëhem aspak pishman për zgjedhjen e bërë".
Përgatitjet
Flamurtari po u jep dorën e fundit përgatitjeve në tokën maqedonase, ndërkohë që sot do të kthehen në Shqipëri. Përsa i përket përgatitjeve, sulmuesi Sebino Plaku u shpreh: "Skuadra ka ndryshuar ndjeshëm nga dita në ditë, duke marrë edhe formën e saj të plotë. Përveç stërvitjes kemi zhvilluar edhe dy ndeshje të cilat na ndihmojnë të shohim formën tonë. Kam shumë besim se në sezonin e ri do të jemi një skuadër e fortë dhe pretendente për të fituar titull", ka përfunduar sulmuesi i Flamurtarit Sebino Plaku, i cili në dy ndeshjet miqësore që kanë zhvilluar vlonjatët ka shënuar dy gola. Sulmuesi, me shumë mundësi sezonin e ri do të jetë një nga titullarët kryesorë që do të përfaqësojë Flamurtarin. Megjithëse trajneri Gugash Magani ende nuk e ka përcaktuar 11-shen bazë që do të përfaqësojë vlonjatët në sezonin e ardhshëm futbollistik. Madje, kreu i pankinës vlonjate, edhe në ndeshjet miqësore të zhvilluara deri më tani, ka gërshetuar "veteranët" me të rinjtë të cilët shpresojnë që të fitojnë një fanellë titullari.