“Po negociojmë përfshirjen në EULEX”

Ndihmës sekretarja amerikane e shtetit, Rosemari di Karlo, ka deklaruar në Prishtinë se SHBA po negocion për përfshirjen e tyre në Misionin e Bashkimit Evropian për polici dhe drejtësi në Kosovë, EULEX. 

Di Karlo tha se SHBA po angazhohet për të ndihmuar Kosovën gjatë fazës së tranzicionit, kur pritet bartja e përgjegjësive nga UNMIK-u te qeveria e Kosovës dhe një pjesë tek EULEX. “Jemi përkushtuar në mbështetjen e pavarësisë dhe sovranitetit të Kosovës”, tha Di Karlo, duke shtuar se SHBA do të vazhdojë me mbështetjen ekonomike dhe zhvillimin e demokracisë për Kosovën.