Pogradec, identifikohet kufoma e mbytur në liqen

Policia ka identifikuar kufomën, e cila është gjetur e mbytur mbrëmjen e djeshme në bregun e liqenit e Pogradecit.Uniformat sqarojnë se është bërë e mundur identifikimi i saj, e cila është shtetesja Valentina Dautllari 32 vjeçe, gjendja civile e martuar, lindur në fshatin Stropske-Pogradec dhe banuese në fshatin Sovjan-Korçë.

Nga hetimet e deritanishme, policia informon se viktima nuk ka pasur shenja dhune në trup, por mendohet që këtë veprim ta ketë kryer nën një gjendje të rëndë depresive. Nga ana e policisë po punohet për sqarimin e plotë të rrethanave të ngjarjes.