Policia kap drogën, ikin trafikantët

Tre trafikantë droge kanë arritur t‘i shpëtojnë policisë duke lënë pas çantat me rreth 40 kilogramë marijuanë. Ngjarja ka ndodhur në afërsi të fshatit Peshkëpi e Sipërme të Gjirokastrës, në vendin e quajtur "Gryka e Bogazit" në afërsi të piramidës 24 të kufirit shqiptaro-grek. Policia ka pikasur tre shtetas duke iu afruar kufirit dhe u ka bërë thirrje të ndalonin, por ata janë larguar me shpejtësi duke braktisur çantat. Nga kontrolli rezultoi se në çantat e shpinës kishte 32 pako me marijuanë nga 1.2 kilogramë secila, me gjithsej rreth 40 kilogramë.