Policia londineze nen dyshime lidhur me skandalin e gazetes News of the World
Nje komision parlamentar britanik pritet te kerkoje sqarime nga zyrtare te policise se Londres se perse ata nuk i vazhduan hetimet para dy vjetesh mbi nje rast pergjimi telefonash nga gazeta News of the World.
Skandali i pergjimit te telefonave po mbizoteron median britanike. Sipas njoftimeve Mbreteresha Elizabeth dhe ish kryeministri Gordon Brown mund te kene qene objekt pergjimesh nga kompanite ne pronesi te manjatit te shtypit Robert Murdoch. Zoti Brown tha se ishte befasuar kur mesoi se gazetat e Murdoch-ut po bashkepunonin me njerez qe sipas tij ishin me te kaluar kriminale per te siguruar informacione personale rreth tij.
Shtypi britanik njoftoi te henen se oficere policie i kishin dhene gazetes News of the World te dhena te paautorizuara per familjen mbreterore ndersa dikush i lidhur me gazeten Sunday Times te Robert Murdoch-ut kishte aritur te hynte ne llogarine bankare te ish kryeministrit Brown. Familja mbreterore nuk ka pranuar te beje komente. Nderkohe policia londineze akuzoi disa individe pa i identifikuar ata per perpjekje per te sabotuar hetimet.