Politika me qytetarin
Politikanet qe kane drejtuar institucionet e Kosoves nuk kane ambicie me te medha per Kosoven sesa kete Kosove qe kemi e te ketille cfare e kemi. Ambiciet e tyre duke qene private e personale nuk behen synime per avancimin e Kosoves. Ato furnizojne vecse deshiren e papermbajtur qe te ngjiten me lart per veten e tyre ose te qendrojne me gjate atje lart ku jane.
Per te qene me keq se kaq as nderkombetaret nuk kane ambicie me te medha per Kosoven sesa kjo Kosove keshtu sic eshte. E gjithe brenga e tyre konsiston ne ate se si mund te behet me keq ne Kosove e jo se si mund te behet me mire. Ata shqetesohen se cfare mund te humbet nderkohe qe gjithnje e me pak kemi e jo se cka mund te fitojme. Edhe mendimi keshillues pozitiv i GjND-se me shume shkaktoi gezim qe nuk do te zvogelohen njohjet e deritanishme te pavaresise sesa qe solli njohje te reja.
Perligjen e gjendjes ekzistuese pushtetaret e tashem e reduktojne ne perllogaritje shifrash njohjesh suksesesh numerike imazhe te shkeputura nga realitetet e perditshme. Keshtu ata rendisin fytyrat e shumta te tyre ne numerimet e largesive qe i ndajne nga populli. Premtojne rritje numerike pagash cdo dite me nga nje rritje te re per te konfirmuar secilen dite kerkesen deshperuese drejtuar secilit qytetar me vete per ruajtjen e vuajtjes se mungesave te tyre te perbashketa. Kerkese per nje tjeter pesim te gjendjes se mbijeteses e cila si perfitues ka vetem ata qe atje lart e larg jetojne mire shume mire pa qene aspak te mire. Jane pikerisht keto lloj rritjesh qe ne vend qe te investohen ne potencialet zhvilluese te Kosoves investohen ne zbehjen e ndergjegjesimit te qytetareve per momentin kritik ne te cilin po jetojme.
Ngritja e metutjeshme e pozites politike te Kosoves dhe permiresimi i gjendjes socio-ekonomike te qytetareve nuk mund te vije nga qeveritaret aktuale vendas dhe as nga burokratet e diplomatet nderkombetare. Berja sovrane e shtetit nuk mund te realizohet nga ata qe mungesen e sovranitetit e shfrytezuan per interesat e tyre parciale. Hapesira jone publike e mundesimi politik i shqiptarit nuk mund te kryhet nga ata qe penguan ne cfaredolloj forme perpjekjen tone per tu shprehur e permbushur politikisht. Permiresimi i kesaj gjendjeje nuk mund te vije nepermjet nje procesi teknik te ndryshimit te individeve te te njejtit soj sepse soji i njejte te le ne rendin e njejte te gjerave.
Ndryshimi i politikes duhet te jete aq rrenjesor saqe duhet ta ndryshoje edhe vete domethenien e politikes. Nga nje politike qe kufizohet ne perfaqesim e ndermjetesim duhet te arrijme te nje politike qe shprehet edhe si botekuptim e aksion.
Mundesia dhe shpresa e ketij vendi jane qytetaret e pakenaqur e jo pushtetaret e vetekenaqur. Me mire ne te kaluaren ka qene e mundshme me tjeter pushtet prej atij qe kishim. Me keq per te ardhmen eshte po ashtu e mundshme nese vazhdojme me te njejtin pushtet. Ndryshimi behet i mundshem permes bashkimit te qytetareve. Bashkimi eshte kushti i mundesise.