Pollo me kompanite Ulni tarifat

Kompanite celulare ne vend duhet te ulin tarifat e sherbimit per perdoruesit e tyre. Ministri per Inovacionin dhe Teknologjine e Informacionit e te Komunikimit Genc Pollo gjate nje takimi me kater operatoret ne vend kerkoi qe ato te zbatojne modelin qe propozon AKEP. Pollo i eshte referuar studimit te kryer nga konsulenti britanik i kontraktuar nga Autoriteti i Komunikimeve Elektronike dhe Postare i cili nxori si konkluzion se tarifat ne vend jane mjaft te larta dhe se marzhi i fitimit te kompanive eshte ne nivele te larta gjithashtu. I njejti konsulent ka propozuar edhe uljen e tarifave sipas modelit te njohur BULARIC nje model ky qe merr parasysh kostot dhe nje perqindje normale fitimi. Ministri Pollo u ka shprehur dje kompanive se modeli i AKEP qe do te filloje nga zbatimi ne mars te ketij viti pritet  te ndihet direkt tek perdoruesit e telefonise celulare. Aktualisht Autoriteti i Komunikimeve Elektronike dhe Postare ka hapur proceduren e konsultimit publik per modelin e uljes se tarifave te terminimit te thirrjeve. Kompanite celulare ne vend jane vene ne epiqendren e deklaratave te qeverise pergjate ketij muaji ku vete kreu i saj Sali Berisha ka kerkuar qe per kompanite me ndikim te madh ne treg per te cilat fitimi eshte jashte normave te zbatohet tatim i larte. Lidhur me kete jane duke punuar Financat. Nderkaq vete AKEP ka propozuar qe ne kater vitet e ardhshme tarifat e sherbimit te telefonise celulare te arrijne ne te njejtin nivel dhe te ulen ndjeshem. Ky proces uljeje eshte i ndare ne disa faza ku per vitin 2011 do te kete dy faza uljeje nje ne muajin mars dhe nje ne muajin shtator. Per tre vitet e tjera ulja do te behet vetem ne muajin shtator. AKEP ka vleresuar qe per kompanite relativisht me te reja ne treg te cilat nuk kane shume ndikim te beje ulje me te vonuar te tarifave te sherbimit.