Portugali vendi ne krize politike

Paulo Portas jep dorëheqjen dhe Portugalia zhytet në një krizë politike. Vendimi i ministrit të jashtëm vjen një ditë pas deklarimit të dorëheqjes nga ministi i financave Vitor Gaspar, i konsideruar si përgjegjësi kryesor i krizës financiare që ka përfshirë vendin pas aplikimit të shkurtimeve në buxhetin e shtetit. 
Por kryeministri Koelho nuk ka pranuar dorëheqjen e Portas i cili është njëkohësisht dhe lideri i partisë që i garanton mazhorancën, dhe premton një zgjidhje për krizën. 

“Në orët në vijim do të bisedoj me aleatët e mi dhe do qartësojmë kushtet për ruajtur qëndrueshmërinë e qeverisë dhe të vendit. Në këtë drejtim dua të jem i qartë, nuk do të jap dorëheqjen, nuk do ta braktis vendin tim”, u shpreh ai.  

Vendimi i Portas, ministrit të jashtëm është i lidhur me emërimin e ministres së re të financave. Ndërkohë që papunësia në vend shënon një rekord të ri dhe në 15 korrik vendi do të vizitohet nga Trojka.